كۇيزەلىس قاي جەرىڭىزدە جاسىرىنىپ جاتىر؟
اۋىرعانىڭىزعا دا ءمان بەرمەسەڭىز، ماسەلە ودان ارى قيىنداي تۇسپەك. دەنەنىڭ ءار بولىگى بەلگىلى ءبىر ۇرەيلەرگە جاۋاپ بەرەدى. ادامنىڭ قاي جەرى اۋىرعانىنا قاراپ، نەدەن قورقاتىنىن انىقتاۋعا بولادى.
اياق اۋرۋى سۇيەنىش پەن تياناقتىلىقتى جوعالتۋدان قورقۋدى بىلدىرەدى. ادام ەرتەڭگى كۇنىنىڭ جارقىندىعىنا كۇمانمەن قارايدى.
ءىش اۋرۋى. وسى تۇستاردا جايسىزدىق سەزىلسە، ادام ءومىرى ءۇشىن الاڭداۋلى ەكەنىن كورسەتەدى. ومىرىڭىزگە شىن مانىندە قاۋىپ ءتونىپ تۇرماسا دا، بەيسانالى تۇردە بۇل قورقىنىشتان ارىلا الماساڭىز، ءوزىڭىزدى تولىقتاي قاۋىپسىزدىكتە سەزىنۋ قيىن.
اسقازان، قۇرساق ءورىمى، كوكەت ايماعى مازالاسا، بۇل جەرگە الەۋمەتتىك ۇرەيلەر شوعىرلانادى. ادام ءوزىن قوعامنىڭ قابىلداماۋىنان قورقادى.
كوكىرەك قۋىسى. بۇل تۇستاعى اۋرۋ جالعىزدىقتان قورقۋدى كورسەتەدى. جەكە تۇلعا رەتىندە شەتتەتىلىپ قالۋ ونى ءجيى مازالايدى.
قول. دەنەنىڭ بۇل بولىگى الەممەن بايلانىسقا تۇسۋدەن ۇرەيلەنۋدى بىلدىرەدى. ادەتتە مۇنداي قورقىنىشىن جاسىراتىندار ەشكىممەن ارالاسپايتىن ماماندىقتاردى تاڭدايدى.
ادامنىڭ وڭ بىلەگى اۋىرسا ەر ادامدارمەن، سول بىلەگى اۋىرسا ايەل ادامدارمەن ارالاسۋدان قاشقاقتايدى.
ارقا. بۇل ايماقتاردا جايسىزدىق سەزىلسە، ادام اينالاسىنداعىلاردىڭ ءۇمىتىن اقتاماۋدان قورقادى. ادەتتە پەرفەكتسيونيستەر وسى ماسەلەمەن ءجيى بەتپە- بەت كەلەدى.
يىق - كۇش پەن جاۋاپكەرشىلىكتىڭ سيمۆولى. يىعى اۋىراتىن ادام ءالسىز بوپ قالۋدان قورقادى.
مويىن. سەزىمىن سىرتقا شىعارا المايتىن ادامداردىڭ تاماعى، مويىن تۇسى ءجيى اۋىرادى. ىشكى سەزىمدەر بۇلقىنىسى تۋعان كەزدە، بار كۇش مويىنعا تۇسەدى.
بەت. جاق تۇستارى اۋىراتىن بولسا، بۇل «ءوزىن جوعالتىپ الۋدان» قورقاتىنىنىڭ بەلگىسى. مۇنداي ادامدار ءوزىن قولداۋعا، ماحابباتقا ءزارۋ، سول سەبەپتى وزگەلەرگە جاعۋ ءۇشىن ۇنەمى بەتپەردەمەن جۇرەدى.
كوز. شىندىقتان قورقۋ ەڭ باستى سەزىم مۇشەسىنە شوعىرلانادى. اشى بولعاندىقتان شىندىقتى قابىلاداي الماي، وعان كوز جۇما قارايدى. ەموتسيالارىڭىزدى بۇكپەلەپ ۇستاۋعا بولمايدى. ەشكىمگە كورسەتكىڭىز كەلمەيتىن قورقىنىشىڭىز دەنساۋلىعىڭىزدا سىر بەرەدى. ىشكى ۇرەيلەرمەن كۇرەسۋ ارقىلى دەنىڭىزدىڭ ساۋلىعىن قامتاماسىز ەتەسىز.
Massaget.kz
