الەم ادەبيەتى قازاق تىلىنە اۋدارىلاتىنى قۋانتادى - پروفەسسور ءامىر مۇساقۇلوۆ
بۇل باستاماعا قاتىستى وڭتۇستىكتىڭ فيلولوگ عالىمى، پروفەسسور ءامىر مۇساقۇلوۆ ءوز پىكىرىن ءبىلدىردى، دەپ حابارلايدى قازاقپارات ءتىلشىسى.
ارداگەر ۇستازدىڭ سوزىنشە، بۇل باستاما قازاق ءتىلىنىڭ ءوزىن دە العا جەتەلەيدى. جاستاردىڭ وي-ءورىسىن كەڭەيتىپ، ولاردىڭ وقۋلىقتارىنا كوپ ءمان بەرىلەدى.
«جاسىراتىنى جوق، كەشەگى كەڭەس زامانىندا گۋمانيتارلىق عىلىمدار ساياساتقا قىزمەت ەتىپ، يدەولوگيانىڭ عانا قۇرالى بولدى. زيالى ورتانىڭ كوزقاراستارى مەن قۇندىلىقتارىنا ىقپالى زور وسى ءبىلىم سالالارى بىزدە ءالى دە ەسكى سارىننان ارىلا الماي وتىر. جوعارى وقۋ ورىندارىندا ستۋدەنتتەردىڭ 70 پايىزى قازاق تىلىندە ءبىلىم الادى دەپ قۋانعانىمىزبەن، ولاردىڭ نە وقىپ جۇرگەنىنە ەندى عانا ءمان بەرە باستادىق. ارداگەر ۇستاز رەتىندە قازاق تىلىندەگى الەمنىڭ ۇزدىك وقۋلىقتارى گۋمانيتارلىق بىلىممەن قاتار، قازاق ءتىلىنىڭ ءوزىن دە العا اپاراتىن عاجاپ باستاما دەپ ويلايمىن. پەداگوگتار مەن ستۋدەنتتەر دە سولاي قابىلدايدى دەگەن سەنىمدەمىن»، - دەيدى پروفەسسور ءامىر مۇساقۇلوۆ.