+7 (701) 759 90 19 Лента
14 °С : استانا
28 °С : الماتى
USD 346.68 EUR 404.02
RUB 5.47 CNY 51.15
جاڭالىقتار

قازاق فيلم «شىڭىراۋ» فيلمىنىڭ ترەيلەرىن جاريالادى

17 ءساۋىر 18:29 553
:ءبولىسۋ
قازاق فيلم «شىڭىراۋ» فيلمىنىڭ ترەيلەرىن جاريالادى

استانا. قازاقپارات - مادەنيەت جانە سپورت مينيسترلىگى تاپسىرىسى بويىنشا ش. ايمانوۆ اتىنداعى «قازاق فيلم» ا ق تۇسىرگەن «شىڭىراۋ» تولىق مەتراجدى كوركەم فيلمنىڭ ءتۇسىرۋ جۇمىستارى اياقتالدى.

 كينوتۋىندىنىڭ قويۋشى رەجيسسەرى ءارى سسەناري اۆتورى -  جاڭابەك جەتىرۋوۆ. ءابىش كەكىلبايەۆتىڭ «شىڭىراۋ» پوۆەسى بويىنشا تۇسىرىلگەن كوركەم فيلم ەڭسەپ ەسىمدى قۇدىقشىنىڭ ءومىرىن، سونداي- اق كۇندەلىكتى ومىردە ءجيى كەزدەسەتىن قيىندىقتار تۋرالى، اتاپ ايتساق، باقتالاستىق، مەنمەندىك، ماحاببات، دوستىق پەن ساتقىندىق تۋرالى باياندايدى.

 -  «شىڭىراۋ» فيلمى ءوز ەلىنىڭ ءتول تاريحىنا بەيجاي قارامايتىن قالىڭ جۇرتشىلىققا ارنالعان. بۇل ءپالساپالىق كارتينادا كورىنىس تاپقان كوركەم دەكوراتسيالار، كوستيۋمدەر جانە كوز تويارلىق ادەمى تابيعات اياسىنداعى رومانتيكاعا تولى ساحنالار، جانۋارلار قاتىسقان ساحنالار، كاسپي تەڭىزى، سىرعا تولى ماڭعىستاۋ ءوڭىرى ەشقانداي كورەرمەندى بەيجاي قالدىرمايدى دەپ ويلايمىن، -  دەدى فيلمنىڭ رەجيسسەرى.

ءتۇسىرىلىمنىڭ بارلىعى دەرلىك ماڭعىستاۋ وبلىسىندا ءوتتى. فيلمدە قاراقيا ويىسى، ءۇستىرت شوقىسى جانە كاسپي تەڭىزى كورىنىس تابادى. تۇسىرىلىمدەر ءۇشىن فورت- شيەۆچەنكو قالاسىنا جاقىن جەردەگى قانعا اۋىلىندا دەكوراتسيالار تۇرعىزىلىپ، ەلدى- مەكەن فاكتۋرالاندى. فيلمدەگى باستى رولدەردى اسىلحان تولەپوۆ، الدابەك شالبايەۆ جانە ايجان جەتىرۋ سومدادى.

اقپارات كوزى: kazakhfilmstudios.kz


باستى سوزدەر: قوعام, مادةنيةت,
:ءبولىسۋ
ونلاين قىزمەتكەرلەر
مۇراعات