استانا مەكتەپتەرىنە جاڭا «پسيحولوگيا جانە ءوزىن- ءوزى دامىتۋ» ءپانى ەنگىزىلەدى

استانا. قازاقپارات -  كەلەسى وقۋ جىلىنان باستاپ ەلوردا مەكتەپتەرىنە جاڭا «پسيحولوگيا جانە ءوزىن- ءوزى دامىتۋ» ءپانى ەنگىزىلەدى. بۇل تۋرالى ەلوردا ينفو حابارلادى.

 «كەلەسى جىلدان باستاپ استانانىڭ ءبىلىم بەرۋ جۇيەسىنە ارنايى بالالار پسيحولوگياسى جانە ءوزىن- ءوزى دامىتۋ ءپانى ەنەدى. بۇل ءپان تەك كىتاپتاعىنى وقىتۋمەن شەكتەلمەيدى. بالالارعا وزدەرىن كىم ەكەنىن تۇسىنۋگە كومەكتەسەتىن ينتەراكتيۆتەر مەن ترەنينگتەر قولدانىلادى. كۋرس بىرنەشە مەكتەپكە ىعڭايلانىپ ازىرلەندى. جاڭا ءپان 5 سىنىپتىڭ مەكتەپ باعدارلاماسىنا ەنگىزىلەدى»، -  دەدى الەكساندر تەسلەنكو.

عىلىمي كونسۋلتانت دۇنيەجۇزىلىك دەنساۋلىق ساقتاۋ ۇيىمىنىڭ مەكتەپ وقۋشىلارىنىڭ %70  تۇزەتۋ كومەگىنە مۇقتاج ەكەنىن مىسالعا كەلتىردى. زاماناۋي بالالار يلليۋزيالىق الەمدە ءومىر سۇرەدى، ءومىردىڭ قيىن كەزەڭىندە وزدەرىن قالاي ۇستاۋ كەرەكتىگىن بىلمەيدى. بۇل ەلوردالىق وقۋشىلارعا دا قاتىستى.

«استانادا قالىپتاسقان جاعداي الاڭداتارلىق -  سۋيتسيد جاساۋعا ارەكەتتەنۋ نەمەسە ءوز- وزىنە قول سالۋ بار. كوپ جاعدايدا بۇل ارەكەتتىڭ سەبەبى انىقتالماي جاتادى. بالالار كوپتەگەن سترەسستىك فاكتورلاردىڭ ورتاسىندا قالىپ، ەڭ سوڭىندا جيناقتالىپ سوڭى قايعىلى جاعدايمەن اياقتالادى. سەبەبى ولار وزدەرىن ەكسترەمالدىق جاعدايدا قالاي ۇستاۋ كەرەكتىگىن بىلمەيدى. مەكتەپ پسيحولوگتارى وسىنداي جاعدايدا وزدەرىن قالاي ۇستاۋ كەرەكتىگىنىڭ سسەناريى مەن الگوريتمىن بەرىپ وتىرادى. ساباق فاكۋلتاتيۆ رەتىندە وتكەنىمەن ونىڭ باعاسى اتتەستاتقا ەنگىزىلەدى»، -  دەدى ول.

بالالاردىڭ پسيحولوگيالىق جاعدايىن كومپيۋتەرلىك دياگنوستيكا ارقىلى انىقتايتىن بولادى. ول ءۇشىن قالادا سەگىز دياگنوستيكالىق ورتالىق اشۋ جوسپارلانىپ وتىر. نەگىزىنەن ولار مەكتەپتەردە بولادى.

 «استانانىڭ ءبىلىم باسقارماسى پسيحولوگيالىق جاعدايىن كومپيۋتەرلىك دياگنوستيكا ادىستەمەسىن الۋ ءۇشىن سانكت- پەتەربۋرگتىڭ فيرماسىمەن كەلىسىم جاسايدى. وقۋشىلار دياگنوستيكانى كومپيۋتەرلىك ورتالىقتاردا وتەدى. پسيحولوگتار بالالارىڭ جاعدايىن اۆتوماتتى تۇردە وڭدەلگەن ناتيجەنى الادى. ءبىز تاۋەكەلدى توپقا جاتاتىن توپتى انىقتاۋعا قاجەتتى اقپاراتتى الىپ، ءارى قاراي ماقساتتى تۇردە سولارمەن جۇمىس ىستەيمىز»، -  دەدى ول.

 بۇعان قوسا مەكتەپ پسيحولوگتارىنىڭ بىلىكتىلىگىن ارتتىرۋعا اسا ءمان بەرىلەتىنىن ايتتى. «ءبىزدىڭ پسيحولوگتاردىڭ دايىندىعى زاماناۋي تاجىريبەگە سايكەس كەلمەيدى. سوندي- اق مامان تاپشىلىعى ءجيى كەزدەسەدى. كوبىنە ەڭبەك اقى كولەمى ۇنامايدى. جاڭا ءپان قارجىلىق قالىپتاستىرۋى جاقسارتۋعا سەپتىگىن تيگىزەدى. سونىمەن بىرگە پسيحولوگتارعا ارنالعان وقۋ سەمينارلارىن وتكىزۋدى كوزدەپ وتىرمىز»، -  دەدى الەكساندر تەسلەنكو.

ءسوز سوڭىندا كونسۋلتانت استانادا الەۋمەتتىك پسيحولوگيالىق كومەك قىزمەتى تۇتاس وزگەرتىلەتىنىن ايتتى. اتا- انالار كلۋبتارى قۇرىلىپ، وندا پسيحولوگتار اتا- انالارعا كەز كەلگەن جاعدايدا وزدەرىن قالاي ۇستاۋ كەرەكتىگىنە ۇسىنىس بەرەتىن بولادى.

www.24.kz