+7 (701) 759 90 19 Лента
15 °С : استانا
18 °С : الماتى
USD 346.68 EUR 404.02
RUB 5.47 CNY 51.15
جاڭالىقتار

قازاقستاندا كيىك ساناعى باستالدى

17 ءساۋىر 17:28 622
:ءبولىسۋ
قازاقستاندا كيىك ساناعى باستالدى

شىمكەنت. قازاقپارات -  اقتوبە وبلىسىندا كيىك ساناعى باستالدى. الدىمەن ءۇستىرت دالاسىنداعى جانۋارلار باستى نازارعا الىنادى. وتكەن جىلى اقبوكەندەر سانى ەلىمىزدە شامامەن 152 مىڭ بولسا، ونىڭ تەك ءۇش مىڭعا جۋىعى وسى ءۇستىرتتى مەكەندەيدى ەكەن.

 جالپى ماماندار سوڭعى جىلدارى كيىك سانىنىڭ ارتىپ كەلە جاتقاندىعىن ايتادى. يەن دالادا قوزعالعان قارانى لەزدە بايقايتىن قورىقشىلار ساناق جۇرگىزگەندە كەرەك- اق. ءۇستىرتتى دە بەس ساۋساعىنداي بىلەدى. سوندىقتان ەسەپتەۋ ءادىسىن ساناۋلى مينۋتتاردا يگەرىپ، كوپ اينالماي ۇشاق ماڭعىستاۋ وبلىسىنا قاراي بەت الدى. ءۇستىرتتى مەكەندەيتىن كيىك بەتپاق دالاسى مەن ورال پوپۋلياتسياسىنان الدەقايدا از. 2015 -جىلعى جاپپاي قىرىلعاننان كەيىن بۇل جەردە شامامەن ءۇش مىڭ باس اقبوكەن قالعان. جانۋارلاردىڭ بەيقام جايىلىپ، ەركىن تولدەۋىنە دە كەدەرگى كوپ.

 شتەففان سۋپەر، «التىن دالا» تابيعاتتى قورعاۋ باستاماسىنىڭ حالىقارالىق ۇيلەستىرۋشىسى:

- ءۇستىرتتى مەكەندەيتىن كيىك ءۇشىن قيىندىق بار. قارۋ كەزەگەن براكونەرلەر ءوز الدىنا، جايىلىم جەرلەرى دە ازايعان. وسىدان بىرنەشە جىل بۇرىن سالىنعان تەمىرجول - جانۋارلاردىڭ وڭتۇستىككە ايماققا وتۋىنە كەدەرگى. سوندىقتان كيىكتەر قىستىڭ كۇنى سولتۇستىكتەگى جايىلىمدا قالۋعا ءماجبۇر. ساناق كەزىندە قوس اياقتى كولىكتى ەرتتەپ مىنگەن كۇدىكتىلەر دە كەزىكتى. ماماندار قىلمىسكەرلەر دەپ پايىمدادى. سوندىقتان ءبىر توپ ينسپەكتور جەدەل ءىز كەسۋگە اتتاندى.

ءسابيت دۇيسەكەنوۆ، «وحوتزووپروم» ر م ق ك وبلىستىق فيليالىنىڭ ديرەكتورى:

 - بۇل اقپاردىڭ انىق- قانىعىن انىقتاۋعا ارنايى توپ اتتاندى. ولار اڭ اتۋعا شىققان براكونەرلەر بولۋى دا مۇمكىن. ءۇي جانۋارلارىن ىزدەگەن جەرگىلىكتى تۇرعىندار دا بولۋى عاجاپ ەمەس. ماڭعىستاۋ مەن اقتوبە وبلىسىندا جايىلاتىن جانۋارلاردى قورعاۋعا 20 قورىقشى جۇمىلدىرىلعان.

وتكەن جىلى ۇستىرتتە كيىكتى اتىپ، ءمۇيىزىن كەسىپ الىپ جۇرگەن 4 توپتى قولعا تۇسىرگەن. قورىقشىلار سانى از بولعانىمەن، يەن دالانى مىلتىق اسىنعان قىلمىسكەرلەردەن قورعاۋ ءۇشىن كۇنى- ءتۇنى دامىل تاپپايدى.

نۇرلىبەك سۇلەيمەنوۆ، «وحوتزووپروم» ر م ق ك وبلىستىق فيليالىنىڭ ينسپەكتورى:

 - ون بولادى، ون بەس بولادى، توپ- توپ بولىپ ۇستىرتكە شىعادى، كيىككە شىعادى. ءمۇيىز دەگەن بالە بولدى عوي بىزگە. مۇيىزگە بولا شىعادى. سونى قورعاپ جاتىرمىز. قازىر جايلاپ ءوسىپ كەلە جاتىر.

العاشقى بارلاۋ بولاشاق ۇشۋ باعىتتارىن انىقتاۋعا مۇمكىندىك بەردى. جانۋارلاردىڭ جايىلىمدارى بەلگىلى بولدى. ساناقتىڭ ءبىرىنشى كۇنى ەكى جۇزدەن استام جانۋار كوزگە ىلىنگەن.

 الەكساندر پۋتيلين، قازاقستان بيو الۋان تۇرلىلىكتى ساقتاۋ قاۋىمداستىعىنىڭ اعا قورىقشىسى:

 - كوككە كوتەرىلىپ، كيىكتەردىڭ قىر- جوتالارعا جاقىن جۇرگەندىگىن انىقتادىق. ەندى شامامەن 50 ساعات ۇشۋ جوسپارىمىزدا بار. سوسىن باتىس قازاقستان وبلىسىنداعى كيىكتەردى تۇگەندەيمىز. ۇستىرتتەگى ساناق ون تاۋلىكتە ءتامامدالۋى ءتيىس.

 الدا قۇرالايدىڭ جەلى باستالىپ، كيىكتەر تولدەيدى. باستىسى - كۇزەتتى كۇشەيتۋ. سوندا عانا ساناۋلى جىل ىشىندە اقبوكەندەر سانى بىرنەشە ەسە ارتۋى ابدەن مۇمكىن.

 اۆتورلارى: مانسۇر ەسقوجين، اينادين مولدابەكوۆ

www.24.kz


باستى سوزدەر: قوعام,
:ءبولىسۋ
ونلاين قىزمەتكەرلەر
مۇراعات