+7 (701) 759 90 19 Лента
1 °С : استانا
18 °С : الماتى
USD 366.43 EUR 420.11
RUB 5.58 CNY 52.87
جاڭالىقتار

مەملەكەت باسشىسى كورەيا رەسپۋبليكاسىنىڭ سىرتقى ىستەر ءمينيسترى كان گيەن حۆامەن كەزدەستى

17 ءساۋىر 16:12 395
:ءبولىسۋ
مەملەكەت باسشىسى كورەيا رەسپۋبليكاسىنىڭ سىرتقى ىستەر ءمينيسترى كان گيەن حۆامەن كەزدەستى

استانا. قازاقپارات - مەملەكەت باسشىسى كورەيا رەسپۋبليكاسىنىڭ سىرتقى ىستەر ءمينيسترى كان گيەن حۆامەن كەزدەستى. بۇل تۋرالى بۇگىن قازاقپارات اقوردانىڭ باسپا ءسوز قىزمەتىنە سىلتەمە جاساپ حابارلايدى.

 كەزدەسۋ بارىسىندا تاراپتار ىنتىماقتاستىقتىڭ وزەكتى ماسەلەلەرىن جانە ەكى ەل اراسىنداعى ساۋدا- ەكونوميكالىق قارىم- قاتىناستاردىڭ دامۋ پەرسپەكتيۆالارىن تالقىلادى.

نۇرسۇلتان نازاربايەۆ كورەيا رەسپۋبليكاسىنىڭ سىرتقى ىستەر مينيسترىنە ءىلتيپات ءبىلدىرىپ، ەكىجاقتى بايلانىستاردىڭ سەنىمدى سيپاتقا يە بولىپ وتىرعانىن اتاپ ءوتتى.

«استانا مەن سەۋل اراسىندا سەنىمگە نەگىزدەلگەن دوستىق قاتىناس ورناپ، ەكونوميكالىق ىنتىماقتاستىق قارقىندى دامىپ كەلەدى. ەكونوميكالىق جانە گۋمانيتارلىق ءوزارا ىقپالداستىقتىڭ كوپتەگەن ماسەلەلەرى شەشىمىن تابۋدا. سىزدەردىڭ ورتالىق ازيادا جۇرگىزىپ جاتقان بەلسەندى جۇمىستارىڭىزدى قولدايمىز»، - دەدى قازاقستان پرەزيدەنتى.

كورەيا رەسپۋبليكاسىنىڭ سىرتقى ىستەر ءمينيسترى كەزدەسۋگە مۇمكىندىك بەرگەنى ءۇشىن ريزاشىلىق ءبىلدىرىپ، قازاقستان استاناسىنان العان اسەرى جونىندە ايتتى.

«بۇل - قازاقستانعا جانە استاناعا جاساعان العاشقى ساپارىم. مەن ءۇشىن ساپارىمنىڭ ەلوردالارىڭىزدىڭ 20 جىلدىعىن مەرەكەلەۋ قارساڭىندا ءوتۋىنىڭ ءمانى زور. وسى كەزەڭ ىشىندە استانا دامۋدىڭ ۇلكەن جولىنان وتكەنىنە ءتانتى بولدىم»، - دەدى كان گيەن حۆا.

كەزدەسۋدە سىرتقى ىستەر ۆەدومستۆوسىنىڭ باسشىسى قازاقستان پرەزيدەنتى نۇرسۇلتان نازاربايەۆقا كورەيا رەسپۋبليكاسىنىڭ پرەزيدەنتى مۋن چجە يننىڭ ىستىق ىقىلاسىن جەتكىزدى.

«پرەزيدەنت مۋن چجە ين 25 جىل ىشىندە ەلدەرىمىز اراسىندا قالىپتاسقان بەرىك نەگىزگە سۇيەنە وتىرىپ، ىقتىماقتاستىعىمىزدى ودان ءارى دامىتۋعا جانە نىعايتا تۇسۋگە نيەتتى»، - دەدى كان گيەن حۆا.


:ءبولىسۋ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
مۇراعات