قىتايدا ارداگەرلەر ءىسى جونىندەگى مينيسترلىك قۇرىلدى
بۇل ۆەدومستۆو پارتيالىق جانە مەملەكەتتىك ورگاندارداعى اۋقىمدى رەفورمالار اياسىندا قۇرىلىپ وتىر، دەپ حابارلايدى قازاقپارات ءتىلشىسى.
«مينيسترلىك مىندەتتەردىڭ ناقتى اياسىندا ارداگەرلەردى قورعاۋدى باسقارۋدىڭ ورتالىقتاندىرىلعان، ءبىرىڭعاي جۇيەسىن قۇرۋ جانە جەتىلدىرۋ بويىنشا جۇمىس ىستەيتىن بولادى»، - دەدى جاڭا ۆەدومستۆونىڭ اشىلۋ راسىمىندە ءسوز سويلەگەن ق ح ر مەملەكەتتىك كەڭەسىنىڭ ۆيتسە-پرەمەرى سۋن چۋنلان.
ونىڭ ايتۋىنشا، مينيسترلىك ارداگەرلەردىڭ ازاماتتىق ومىردەگى كونسترۋكتيۆتى ءرولىن انىقتاۋدى جانە قورعانىس پەن ارميا قۇرىلىسىنا جاس مامانداردى كوبىرەك تارتۋدى ىنتالاندىرۋعا باعىتتالعان.
سۋن چۋنلان جاڭا مينيسترلىكتى ارداگەرلەردىڭ زاڭدى قۇقىقتارى مەن مۇددەلەرىن قامتاماسىز ەتۋگە شاقىردى.
سونىمەن قاتار، اسكەري قىزمەت قوعام قۇرمەتىنە لايىقتى كاسىپتەردىڭ بىرىنە اينالۋى تيىستىگىنە، ال ارداگەرلەر وزدەرىن باقىتتى سەزىنۋى قاجەتتىگىنە نازار اۋدارتتى.
جاڭا مينيسترلىك اسكەردەن قايتقان ادامدارعا ساياسي نۇسقاۋلىق پەن ەرەجەلەر ازىرلەپ، ونى جۇزەگە اسىرۋعا، سونىمەن بىرگە ولاردى قايتادان جۇمىسقا ورنالاستىرىپ، كاسىبي تۇرعىدا دايىنداۋعا جاۋاپ بەرەتىن بولادى.