راكتى ەمدەۋدىڭ وڭاي جولى تابىلدى

استانا. قازاقپارات - امەريكالىق عالىمدار قۇرامىندا اسپاراگين امين قىشقىلى از ونىمدەر كەۋدەدەگى ىسىك اۋرۋىنىڭ قاۋپىن باسادى دەگەن قورىتىندى شىعاردى  

مامانداردىڭ ماتەريالى Nature جۋرنالىندا جاريالاندى، دەپ حابارلايدى Baq.kz اقپارات اگەنتتىگى lenta.ru باسىلىمىنا سىلتەمە جاساپ.

زەرتتەۋشىلەر ساراپتاماعا گورمونالدى تەراپيانى قابىلداي المايتىن تىشقانداردىڭ ءسۇت بەزىندەگى ىسىكتى پايدالاندى. راكتىڭ بۇل ءتۇرى ءۇش ەسە نەتاگيۆتى ىسىك دەپ اتالادى. مۇنداي راكتى ەمدەۋ ءۇشىن كومبيناتسيالى تەراپيا قولدانىلادى.

العاشقى كەزدەگى راكتىڭ كلەتكالارىنداعى اسپاراگين سينتەتازاسى فەرمەنتىنىڭ بەلسەندىلىگى ىسىك كلەتكالارىن باسقا تىندەرگە جانە ورگاندارعا تاراتىپ، مەتاستازدىڭ تۇزىلۋىنە اكەپ سوعاتىن بولىپ شىقتى. سوندىقتان فەرمەنتتىڭ جۇمىسىن دارىلەرمەن باسىپ، ديەتا ۇستاسا، ىسىكتىڭ باسقا جەرلەردەن شىعۋىنىڭ الدىن الادى.

سول سەبەپتى اسپاراگيننىڭ كوپ مولشەرى كەزدەسەتىن ءسۇت ونىمدەرىن، سيىر، قۇس ەتىن، جۇمىرتقانى، بالىقتى، تەڭىز ونىمدەرىن، كارتوپ، جاڭعاق، سويانى از مولشەردە تۇتىنۋ كەرەك. اتالعان امين قىشقىلى جەمىستەر مەن كوكونىستەردە از مولشەردە بولادى.