مۇستافا شوقاي تۋرالى جاڭا دەرەكتى فيلم جارىققا شىقتى
بۇل دەرەكتى فيلمدى دۇنيەجۇزىلىك «التىن ساپران» كينوفەستيۆالىنىڭ جۇلدەگەرى دوقتىرحان تۇرلىبەك تۇسىرگەن. كينولەنتانى ازىرلەۋگە 20 جىل كەتكەن.
فيلم بارىسىندا تۇعىرلى تۇلعانىڭ ءومىر جولى تولىقتاي باياندالىپ، قىزمەت جولىنداعى قيىندىقتارى دا نازاردان تىس قالماعان. تۋىندىدا ەل كوپ بىلە بەرمەيتىن دەرەكتەر قامتىلعان.
«وسىنىڭ ناتيجەسىندە ساياسي قايراتكەردىڭ ءبىتىم-بولمىسىن جان-جاقتى اشا الدىق دەگەن ويدامىن. مۇستافا شوقاي كەشەگى سوعىس جىلدارىندا 140 مىڭنان استام تۇركى تەكتەس حالىق وكىلدەرىن نەمىس تۇتقىنىنان بوساتۋعا كومەك بەرگەنىن تاريحتان جاقسى بىلەمىز»، - دەيدى رەجيسسەر د. تۇرلىبەك.
بۇگىنگى كۇندەرى وبلىستىڭ ءبىرقاتار اۋداندارىندا دەرەكتى فيلمنىڭ تۇساۋكەسەرى ءوتتى. جالاعاش اۋدانىندا وتكەن شارادا جەرگىلىكتى كورەرمەن تۋىندىنى جوعارى باعالاپ ۇلگەردى.
دەرەكتى فيلمدى ورىس، اعىلشىن جانە تۇركى تىلدەرىنە اۋدارۋ كوزدەلىپ وتىر.
ادىلەت قاڭتاربايەۆ