+7 (701) 759 90 19 Лента
16 °С : استانا
12 °С : الماتى
USD 326.00 EUR 382.20
RUB 5.29 CNY 51.05
جاڭالىقتار

اق ءۇي: ترامپ ا ق ش اسكەرىن سيريادان تەزىرەك شىعارعىسى كەلەدى

17 ءساۋىر 10:41 555
:ءبولىسۋ
اق ءۇي: ترامپ ا ق ش اسكەرىن سيريادان تەزىرەك شىعارعىسى كەلەدى

استانا. قازاقپارات - اق ءۇي باسپا ءسوز حاتشىسى سارا ساندەرس ا ق ش- تىڭ سيرياداعى ماقساتى وزگەرمەگەنىن، پرەزيدەنت دونالد ترامپ امەريكالىق اسكەريلەردىڭ بۇل ەلدەن مۇمكىندىگىنشە تەزىرەك كەتكەنىن قالايتىنىن مالىمدەدى.

ساندەرس ا ق ش اسكەرىنىڭ مىندەتى «يسلام مەملەكەتى» ەكسترەميستىك ۇيىمىن تولىق كۇيرەتۋ» جانە «ونىڭ قايتا جاندانۋىن بولدىرمايتىنداي جاعداي جاساۋ» ەكەنىن ايتتى. ونىڭ سوزىنشە، ۆاشينگتون وداقتاستارى ايماقتاعى قاۋىپسىزدىكتى قامتاماسىز ەتۋدە موينىنا كوبىرەك اسكەري جانە قارجىلىق جاۋاپكەرشىلىك الادى دەپ كۇتەدى.

بۇعان دەيىن فرانسيا پرەزيدەنتى ەممانۋەل ماكرون ترامپتى سيريادا امەريكالىق اسكەريلەردى ۇزاق مەرزىمگە قالدىرۋ قاجەت ەكەنىنە كوزىن جەتكىزگەنىن مالىمدەگەن ەدى.

دونالد ترامپ ءساۋىردىڭ باسىندا تاياۋ ۋاقىتتا ا ق ش اسكەرىن سيريا اۋماعىنان تولىق شىعارۋعا قاتىستى شەشىم قابىلدايتىنىن مالىمدەگەن، ءبىراق ناقتى مەرزىمىن ايتپاعان.

14- ساۋىرگە قاراعان ءتۇنى ا ق ش، ۇلى بريتانيا مەن فرانسيا 7- ساۋىردە دۋما قالاسىندا ىقتيمال حيميالىق قارۋمەن جاسالعان شابۋىلعا جاۋاپ رەتىندە سيرياداعى ۇكىمەت باقىلاۋىنداعى كەي نىساندارعا اۋەدەن سوققى بەرگەن. پەنتاگون مالىمەتىنشە، سيرياداعى ءۇش نىساناعا 105 زىمىران جىبەرىلگەن. ازىرشە امەريكالىق اسكەريلەر دە، سيريا بيلىگى دە زىمىران شابۋىلى سالدارىنان قۇربان بولعاندار تۋرالى دەرەك جاريالاعان جوق.

ۆاشينگتون، لوندون جانە پاريج سيريا پرەزيدەنتى باشار اساد بيلىگىنىڭ حيميالىق شابۋىل جاساعانىنا دالەلى بارىن ايتادى. ماسكەۋ مەن داماسك دۋمادا حيميالىق شابۋىل بولعانىن جوققا شىعارىپ، حيميالىق قارۋ تۋرالى حابارلاردى «ارانداتۋ» دەيدى. رەسەي پرەزيدەنتى ۆلاديمير پۋتين سيرياعا زىمىران سوققىسىن «اگرەسسيا» دەپ باعالاعان.


باستى سوزدەر: الةم,
:ءبولىسۋ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
مۇراعات