+7 (701) 759 90 19 Лента
16 °С : استانا
12 °С : الماتى
USD 326.00 EUR 382.20
RUB 5.29 CNY 51.05
جاڭالىقتار

الماتىلىق زەينەتكەرلەر ءوز بۇيىمدارىن ينتەرنەت-دۇكەن ارقىلى ساۋدالاۋدا

17 ءساۋىر 09:07 596
:ءبولىسۋ
الماتىلىق زەينەتكەرلەر ءوز بۇيىمدارىن ينتەرنەت-دۇكەن ارقىلى ساۋدالاۋدا

الماتى. قازاقپارات - الماتىدا زەينەتكەرلەر ءوز بۇيىمدارىن ينتەرنەت-دۇكەن ارقىلى ساتاتىن بولدى، دەپ حابارلايدى «قازاقپارات» ح ا ا ءتىلشىسى

«س ليۋبوۆيۋ ۆ كاجدوي پەتەلكە» الەۋمەتتىك جوباسى وتكەن جىلى ىسكە قوسىلعان. اسيا تۋللەسوۆا، سۋرەتشى ەلەنا پوزدنياكوۆا، ارحيتەكتور ايا جالعابايەۆا جانە اديسا كين ەسىمدى قالانىڭ جاس بەلسەندىلەرى الماتىلىق زەينەتكەرلەرگە كومەك قولىن سوزدى. بەلسەندىلەر قارتتار كوشە كەزىپ، بازار ارالاپ جۇرمەسىن دەپ، ولارعا ارنايى ينتەرنەت-دۇكەن اشىپ بەردى. قارتتاردىڭ وندىرگەن دۇنيەلەرىن ساتىپ الۋشىعا جەتكىزۋ، وسى ءىستى ۇيىمداستىرۋشىلاردىڭ موينىندا. جوباعا جيىرماعا جۋىق قارت تارتىلعان. ولاردىڭ بۇيىمدارىنىڭ بارلىعى ءوز قولدارىمەن دايىندالعان. بقيىمداردىڭ ىشىندە كەراميكالىق ىدىس-اياق، ءساندى ەتىپ تىگىلگەن كيىمدەر، ەرەكشە اينالار، جۇقا كيىزدەن اسەم ەتىپ جاسالعان باس كيىمدەر، اعاشتان دايىندالعان بۇيىمدار، گەرباريدەن جاسالعان كارتينالار جانە مەن وزگە دە كوپتەگەن زاتتار بار.

 
الماتىلىق زەينەتكەرلەر ءوز بۇيىمدارىن ينتەرنەت-دۇكەن ارقىلى ساۋدالاۋدا

زەينەتكەر سانيا پوزدنياكوۆا سايتقا ءوزىنىڭ ءتۇرلى-ءتۇستى كىلەمدەرىن ساۋداعا قويدى.

«بۇل جوباعا قىزىمنىڭ ارقاسىندا كەلدىم. ول ءوز بۇيىمدارىمدى ينتەرنەت ارقىلى كورسەتۋگە بولاتىنىن ايتتى. مەن ماتەريالداردى ءتۇرلى فاكتۋرالار مەن گۇلدەردەن جيناپ، ءۇي كىلەمدەرىن جاساپ شىعامىن. توسەنىشتەرىمە تاپسىرىس تۇسە باستاعاندا تاڭ قالدىم. ەڭبەگىمنەن ءلاززات الامىن»، - دەدى زەينەتكەر.

 
الماتىلىق زەينەتكەرلەر ءوز بۇيىمدارىن ينتەرنەت-دۇكەن ارقىلى ساۋدالاۋدا

زاماناۋي، بەلسەندى زەينەتكەر- كاسىپكەرلەر توپتىڭ ىشىندە جالعىز قارتا اتا - اناتولي ۆلاديميروۆيچ. ول 1946 -جىلى ۋكراينا ك س ر و- نىڭ حەرسون قالاسىندا تۋعان، ءبىراق قازاقستاندا وسكەن. مەكتەپ جاسىندا راديوتەحنيكامەن اينالىسىپ، كەمە سوعىپ، كولىك قۇراستىرعان. كەيىن اعاش وڭدەۋ جۇمىسىمەن اينالىسىپ، جيھاز، كۇركە جاسايتىن بولعان. ونىڭ ەڭبەكتەرى الماتىلىقتار اراسىندا كەڭىنەن تانىمال.

بۇيىم ساتىلىمىنان تۇسكەن تابىستى ەرىكتىلەر تولىعىمەن زەينەتكەرلەرگە بەرەدى جانە ولارعا تەگىن كومەكتەسەدى.


باستى سوزدەر: قوعام, ةكونوميكا,
:ءبولىسۋ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
مۇراعات