+7 (701) 759 90 19 Лента
16 °С : استانا
12 °С : الماتى
USD 326.00 EUR 382.20
RUB 5.29 CNY 51.05
جاڭالىقتار

سپورت جۋرناليستكاسىنىڭ دامۋ ماسەلەلەرى استانادا تالقىلانادى

17 ءساۋىر 07:51 530
:ءبولىسۋ
سپورت جۋرناليستكاسىنىڭ دامۋ ماسەلەلەرى استانادا تالقىلانادى

استانا. قازاقپارات - ءساۋىردىڭ 23-24 ارالىعىندا «قازمەديا ورتالىعى» مەديا-مەكتەبىندە «سپورتتى ۇيىمداستىرۋداعى ماركەتينگ پەن بايلانىس. سپورت جۋرناليستكاسىنداعى جاڭا ترەندتەر» اتتى PR جانە سپورت ماركەتينگى جايىندا سەمينار وتەدى

بۇل تۋرالى ۇ و ك رەسمي سايتى حابارلايدى.

سەمينار وتاندىق سپورت جۋرناليستەردى قولداۋ مەن جەتىلدىرۋ، باسپا ءسوز - قىزمەتتەرى، سپورت فەدەراتسيالار مەن ۇيىمداردىڭ جۇمىستارىن جاقسارتۋ ماقساتىندا ۇيىمداستىرىلادى. بۇل شارانى «وليمپيادالىق ىنتىقماقتاستىق» جوباسىنىڭ كومەگىمەن قازاقستان وليمپيادا كوميتەتى ۇيىمداستىرادى.

اتالمىش سەميناردا رەسەيلىك بەدەلدى سپورت جۋرناليستەرى مەن كوممەنتاتورلارى شەبەرلىك-ساباعىن وتكىزەدى.

«قازاقستان ۇ و ك پرەزيدەنتىنىڭ باستاماسىمەن ءبىزدىڭ ۇيىم بارلىق باعىت بويىنشا ىنتىماقتاستىق ورناتپاق. اسىرەسە سپورت جۋرناليستيكاسى مەن ماركەتينگ سىندى باستى سالالاردىڭ بىرىندە. قازىرگى تاڭدا وليمپيادالىق سپورت تۇرلەرىنىڭ كوبىندە باسپا ءسوز قىزمەتى مەن ماركەتينگ ماماندارى جوق. اتالعان مامانداردىڭ كوماندادا بولۋى قانشالىقتى ماڭىزدى ەكەنىن تۇسىندىرگىمىز كەلەدى. سونىمەن قاتار، ءبىز سەمينارعا جۋرفاكتىڭ ستۋدەنتتەرىن شاقىرامىز. ەڭ باستىسى، ءبىز سپورت جۋرناليستيكاسىنا قاتىستى ماڭىزدى ماسەلەلەردى تالقىلاپ، تاجىريبە الماسامىز. بۇل شارا جۋرناليستەر اراسىندا قىزىعۋشىلىق تانىتسا، مۇنداي سەميناردى داستۇرگە اينالدىرامىز»، - دەدى قازاقستان ۇ و ك وكىلى جىگەر ازبەرگەنوۆ.

استانادا بەلگىلى جۋرناليست، سۋعا سەكىرۋدەن وليمپيادا چەمپيونى ەلەنا ۆايتسەحوۆسكايا، سپورت جۋرناليسى جانە كوممەنتاتور، بوكس ساراپشىسى الەكساندر بەلەنكي، «سپورت-ەكسپرەسس» گازەتىنىڭ شولۋشىسى، سپورت جايلى 19 كىتاپتىڭ اۆتورى، «الەكساندر شمۋرنوۆ پەن يگور رابينەر سپورت جۋرناليستيكاسى مەكتەبىنىڭ» جەتەكشىسى جانە مۇعالىمى يگور رابينەر، تەلەجۇرگىزۋشى، «پەرۆىي كانال» ارناسىنىڭ سپورت كوممەنتاتورى ۆيكتور گۋسيەۆ، رەسەيلىك تەلەجۇرگىزۋشى، سپورت كوممەنتاتورى مەن ءتىلشى الەكساندر كۋزماك، كوممەنتاتور، ەكى دۇركىن وليمپيادا چەمپيونى (1984, 1988) دميتري ۆاسيليەۆ، رەسەيلىك سپورت فۋنكتسيونەرى، جۋرناليست، تەلەجۇرگىزۋشى، سپورت كوممەنتاتورى، رەسەي وليمپيادا كوميتەتىنىڭ باسپا ءسوز-حاتشىسى كونستانتين ۆىبورنوۆ جانە ونىڭ ارىپتەسى، روك كوممەرتسيا جانە ماركەتينگ ءبولىمىنىڭ باسقارۋشىسى دميتري مانيەۆيچ سىندى ماماندار تاجىريبەسىمەن بولىسەدى.

سونداي-اق، جۋرناليستيكانى ەندى مەڭگەرىپ جۇرگەندەرگە سپورت جۋرناليستيكاسىنىڭ جاڭا ترەندتتەرى مەن موبيلدى سپورت جۋرناليستيكاسى تۋرالى بەلگىلى قازاقستاندىق جۋرناليست پەن بلوگەر بەرىك سۇلتان ايتىپ بەرەدى.

بۇل كونفەرەنسياعا كەز كەلگەن ادام قاتىسا الادى. ول ءۇشىن وتىنىشتەرىڭدى ءساۋىردىڭ 18-نە دەيىن مىنا ادرەس بويىنشا جىبەرۋلەرىڭىز قاجەت: press@olympic.kz.

كونفەرەنسيا «قازمەديا ورتالىعى» مەديا-مەكتەبى، جانە «Atameken Bussiness Channel» اقپاراتتىق سەرىكتەس پەن «قازسپورت» تەلەارناسىنىڭ قولداۋىمەن وتكىزىلەدى.


باستى سوزدەر: قوعام,
:ءبولىسۋ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
مۇراعات