07:38, 17 - ءساۋىر 2018 | GMT +6
پاۆلوداردا تۇرعىن ءۇيدى «جارماق» بولعان ايەل ۇستالدى
استانا. قازاقپارات - پاۆلوداردا ايمانوۆ كوشەسىندەگى ۇيدە جارىلعىش زات ورنالاستىرعانى تۋرالى جالعان حابارلاما تاراتقان ايەل ادام ۇستالدى، دەپ حابارلايدى pavlodarnews.kz
بۇل تۋرالى وبلىستىق ءى ءى د- ءنىڭ باسپا ءسوز قىزمەتى حابارلادى.
«102» وپەراتور پۋلتىنە كەلىپ تۇسكەن تەلەفون حابارلاماسى بويىنشا ءىس-شارا جۇرگىزىلدى. ناتيجەسىندە ورتاشا اۋىر دارەجەدەگى الكوگولدىك ماس بولعان ايەل ادام ۇستالدى. ازاماتشا ۋاقىتشا بەيىمدەۋ جانە ۋىتسىزداندىرۋ ورتالىعىنا ورنالاستىرىلدى، - دەدى دەپارتامەنتتە.
اتالعان فاكتىگە قاتىستى ق ر ق ك 273-بابى «تەرروريزم اكتى تۋرالى جالعان حابارلاۋ» بويىنشا سوتقا دەيىنگى تەرگەپ-تەكسەرۋ جۇرگىزىلۋدە. بۇل باپقا سايكەس التى جىلعا دەيىن باس بوستاندىعىنان ايىرۋ تۇرىندە قىلمىستىق جاۋاپكەرشىلىككە تارتۋ قاراستىرىلعان.