تۇمەن قازاقتارى «قوزى كورپەش- بايان سۇلۋ» كۇنىن اتاپ ءوتتى

استانا. قازاقپارات - رەسەيدىڭ تۇمەن قالاسىنداعى «سترويتەل» ۇلتتار مادەنيەتى سارايىندا قوزى كورپەش- بايان سۇلۋ سپەكتاكلى قويىلدى، دەپ حابارلايدى «قازاقپارات» ح ا ا ر ف- داعى قازاقستان ەلشىلىگىنىڭ سايتىنا سىلتەمەمەن.

شارا 15 - ءساۋىر - قازاقتاردىڭ عاشىقتار كۇنى مەرەكەسىنە وراي ءوتتى. بۇل كۇن رەسەيدە 2011 -جىلدان بەرى اتالىپ ءوتىپ كەلە جاتىر.

رولدەردى تۇمەن وبلىسى قازاقتارى ۇلتتىق- مادەني اۆتونومياسىنىڭ جاس بەلسەندىلەرى سومدادى. ەڭ كىشىسى - 12 جاستا، ەڭ ۇلكەنى - 28 جاستا. ۇجىم شىعارماشىلىق جۇمىستى جۇزەگە اسىرۋعا بارىنشا جاۋاپتىلىق تانىتقان.

شارا سوڭى «سترويتەل» ۇلتتار مادەنيەتى سارايىنىڭ جاس بەلسەندىلەرى مەن قازاقتاردىڭ شىعارماشىلىق ۇجىمى دايارلاعان كونسەرتكە ۇلاستى.

اۋدارما: ەربول جانات