قازاقستاندا كوبىنەسە قاي ەلدەردىڭ ازاماتتارى قىلمىس جاسايدى
«جالپى العاندا، ميگرانتتار ەلىمىزدەگى كريمينالدىق جاعدايعا ەلەۋلى اسەر ەتپەيتىنىن اتاپ وتكىم كەلەدى. سوڭعى جىلدارداعى ستاتيستيكانى الساق، ەلىمىزدە جاسالاتىن قىلمىستاردىڭ ىشىندە ميگرانتتاردىڭ ۇلەس سالماعى 2,5 پايىزدان اسپايدى. كوپ جاعدايدا ولار ت م د ەلدەرىنىڭ ازاماتتارى»، - دەدى ق. قاسىموۆ.
بۇدان بۇرىن حابارلانعانداي، ۇكىمەت وتىرىسىندا ىشكى ىستەر ءمينيسترى ەلىمىزدە زاڭسىز كوشى- قون نەگىزىنەن ەڭبەك ميگرانتتارىنىڭ اراسىندا بايقالاتىنىن ايتقان ەدى.
«جىل سايىن 100 مىڭنان استام شەتەل ازاماتتارى اكىمشىلىك جاۋاپقا تارتىلادى، ولارىڭ 10 مىڭنان استامى ەلدەن شىعارىلادى. شەتەلدىك جۇمىس كۇشىن زاڭسىز پايدالانعان ەكى مىڭنان استام جۇمىس بەرۋشىگە ايىپپۇل سانكسياسى سالىندى. وتكەن جىلى بيۋدجەتكە 115 ميلليون تەڭگە قارجى ءتۇستى. قىلمىستىق كودەكستە زاڭسىز كوشى-قوندى ۇيىمداستىرعان ادامعا بەس مىڭ ا ە ك كولەمىندە ايىپپۇل نەمەسە 7 جىلعا دەيىن باس بوستاندىعىنان ايىرۋ بەلگىلەنگەن. وتكەن جىلى وسىنداي فاكتىلەر بويىنشا 89 قىلمىستىق ءىس قوزعالعان»، - دەدى ق. قاسىموۆ.