ۇلۋدىڭ قابىعىنان «ءتۇيىن تۇيگەن» شەبەر - شەتەلدەگى قازاق ءتىلدى ب ا ق- قا شولۋ

None
None
استانا. قازاقپارات - «قازاقپارات» ح ا ا نازارلارىڭىزعا ادەتتەگىدەي شەتەلدەگى قازاق تىلىندە تارايتىن اقپارات كوزدەرىنە اپتالىق شولۋىن ۇسىنادى.

***

 موڭعوليا پارلامەنتى بىشكەكتە ەلشىلىك اشۋ مۇمكىندىگىن تالقىلادى- kaznews.mn

Ұлудың қабыÒ

موڭعوليا پارلامەنتى قىرعىزستان رەسپۋبليكاسىنىڭ استاناسى بىشكەكتە ەلشىلىك اشۋ مۇمكىندىگىن تالقىلادى.

 kaznews.mn اقپاراتتىق پورتالىنىڭ حابارلاۋىنشا، بىشكەك قالاسىنداعى موڭعوليانىڭ باس كونسۋلدىعىنا ەلشىلىك مارتەبەسىن بەرۋ ماسەلەسى دەپۋتاتتاردىڭ تالقىلاۋىنان كەيىن باسىم داۋىسپەن قولداۋ تاپقان.

«قىرعىزستان رەسپۋبليكاسىندا 45 موڭعوليالىق ازامات ءومىر ءسۇرىپ جاتىر. سونداي- اق جىل سايىن 500-گە جۋىعى جولاۋشىلاپ بارادى. ەلشىلىك اشۋ ارقىلى ەكى دوس حالىقتار اراسىنداعى قاتىناستاردى جاقىنداتامىز»، دەيدى موڭعوليا سىرتقى ىستەر مينيسترلىگىنىڭ مەملەكەتتىك حاتشىسى ءداۆااسۇرەن.

***

 تۇركيا پرەمەر- ءمينيسترى موڭعولياعا رەسمي ساپارمەن باردى- kaznews.mn

Ұлудың қабыÒ

تۇركيا پرەمەر- ءمينيسترى بينالي يىلدىرىم رەسمي ساپارمەن موڭعولياعا باردى. بۇل تۋرالى kaznews.mn سايتى حابارلادى.

بينالي يىلدىرىمدى موڭعوليا پرەمەر- ءمينيسترى ۋحنااگيين ءحۇرەلسۇح كۇتىپ الدى.

«رەسمي ساپار بارىسىندا تاراپتار اۋىل شارۋاشىلىعى، جەڭىل ونەركاسىپ، تۋريزم، توتەنشە جاعداي، كولىك، بايلانىس سالاسى، ۇلتتىق كىتاپحانا جانە تۇركيانىڭ شەتەلدەگى قاۋىمداستىقتارى اراسىندا ىنتىماقتاستىق تۋرالى مەموراندۋمعا قول قويدى»، دەپ جازادى دەرەككوز.

بۇدان بولەك بينالي يىلدىرىم بالامالى ەنەرگەتيكا سالاسىندا ىنتىماقتاستىقتى كۇشەيتۋ، تۇركيانىڭ مەملەكەتتىك تۇرعىن ءۇي باسقارماسى مەن موڭعوليانىڭ قۇزىرلى ورگاندارى اراسىندا ىسكەرلىك بايلانىستار ورناتىپ، ازاماتتاردى تۇرعىن ۇيمەن قامتاماسىز ەتۋ باعىتىندا بىرلەسىپ جۇمىس اتقارۋعا زور مۇمكىندىك بار ەكەنىن اتاپ وتكەن.

***

قىتايداعى قانداسىمىز ەل چەمپيوناتىندا توپ جاردى - «جەنمين جيباو»

Ұлудың қабыÒ

قىتايدىڭ شىڭجاڭ اۆتونوميالىق ولكەسىندە تۋىپ- وسكەن قازاق بوكسشى توقتاربەك تاڭاتحان ۇلى قىتاي چەمپيوناتىندا توپ جاردى.

قىتايلىق «جەنمين جيباو» باسىلىمىنىڭ حابارلاۋىنشا، بۇل دودادا بوكستان شىڭجاڭ ولكەسى ەرلەر قۇراماسى 8 مەدال ەنشىلەپ (2 التىن، 1 كۇمىس، 5 قولا) ، توپتىق ەسەپتە 1-ورىننان كورىندى.

75 ك گ سالماق ساناتىندا توقتاربەك تاڭاتحان ۇلى اقتىق سىندا انحوي پروۆينتسياسى اتىنان سىنعا تۇسكەن حۋان يانحۋيدى تىزە بۇكتىرىپ، چەمپيون اتاندى. ءسويتىپ ول 2018 -جىلى يندونەزيانىڭ استاناسى دجاكارتادا وتەتىن جازعى ازيا ويىندارىنا جولداما الدى.

ايتا كەتەيىك، توقتاربەك تاڭاتحان ۇلى وتكەن جىلى XIII كەزەكتى جازعى جالپى قىتاي سپارتاكياداسىندا تورەشىلەردىڭ ادىلەتسىز شەشىمىمەن كۇمىس مەدالدى قاناعات تۇتقاندىعى تۋرالى جازعان بولاتىنبىز. سونداي- اق، 2018 -جىلى قاڭتار ايىندا قانداسىمىز 2017 -جىلعى قىتايدىڭ «بوكس كورولى» چەمپيوناتىندا قارسىلاس شاق كەلتىرمەي، «كورول» چەمپيوندىق بەلدىگىن جەڭىپ العان ەدى.

***

قىرعىزستان پرەزيدەنتى تۇركيادا - TRT

Ұлудың қабыÒ

«قىرعىزستان پرەزيدەنتىنىڭ سايلاۋدان كەيىنگى ءبىرىنشى شەتەل ساپارىن تۇركياعا جاساعانىنا ەرەكشە نازار اۋدارعان ەردوعان وسى ماعىنالى ساپار ءۇشىن العىس ايتتى»، دەپ جازادى تۇركيا تەلە- راديو پورتالى.

پرەزيدەنت رەجەپ تايىپ ەردوعان رەسمي ساپارمەن تۇركياعا كەلگەن قىرعىز رەسپۋبليكاسىنىڭ پرەزيدەنتى سوورونباي جەەنبەكوۆپەن كەزدەسكەننەن كەيىن باسپا ءسوز ءماسليحاتىن وتكىزدى.

 وندا ەردوعان جەەنبەكوۆتى تۇركيادا قوناق ەتكەنى ءۇشىن ءوزىن باقىتتى سەزىنەتىندىگىن ايتا كەلە، مارتەبەلى مەيماندى پرەزيدەنتتىك سايلاۋداعى جەڭىسىمەن قۇتتىقتادى.

 ال ءوز تاراپىنان سوورونباي جەەنبەكوۆ رەجەپ تايىپ ەردوعانمەن كەزدەسۋىنىڭ تابىستى وتكەنىن جەتكىزىپ، «قىرعىزستان ءۇشىن تۇركيا جاقسى دوس جانە سەنىمدى سەرىك» ەكەنىن مالىمدەدى.

***

قىتايدىڭ تارباعاتاي ايماعىندا الامان بايگە ءوتتى - تيان- شان پورتالى

Ұлудың қабыÒ

 قىتايدىڭ شىڭجاڭ ولكەسىنىڭ قازاقتار مەكەندەيتىن تارباعاتاي ايماعى شاعانتوعاي اۋدانىندا ءداستۇرلى الامان بايگە جانە «تاۋ گۇلى» فەستيۆالى ءوتتى. بۇل تۋرالى قىتايلىق تيان- شان پورتالى جازادى.

ات بايگەسىنە جورعا جارىس، ۇشقىر اتتار جارىسى جانە الامان بايگە سياقتى 5 توپقا ءبولىنىپ، ىلە- قازاق اۆتونوميالىق ولكەسىنىڭ ءار جەرىنەن 160 تۇلپار جانە 140 شاباندوز قاتىستى.

سونداي- اق، الامان بايگە جانە «تاۋ گۇلى» فەستيۆالى اياسىندا قىتايعا كەلگەن ساياحاتشىلار قازاق كۇرەسى، كوكپار تارتۋ جانە باسقا دا ۇلتتىق مادەني شارالاردى تاماشالادى.

***

تۇركىستاندا حالىقارالىق سيمپوزيۋم ءوتىپ جاتىر - TRT

Ұлудың қабыÒ

قازاقستاننىڭ تۇركىستان قالاسىندا IV حالىقارالىق ءدىني زەرتتەۋلەر جانە جاھاندىق بەيبىتشىلىك سيمپوزيۋمى ءوتىپ جاتىر، دەپ حابارلايدى تۇركيا تەلە- راديو پورتالى.

 تۇركيا يمام حاتيپتىكتەر قورىنىڭ ۇيىمداستىرۋىمەن قوجا احمەت ياساۋي حالىقارالىق قازاق- تۇرىك ۋنيۆەرسيتەتىندە وتكەن سيمپوزيۋمدا شىعىس- باتىس وركەنيەتىنىڭ قالىپتاسۋىندا تاريح، مادەنيەت، ونەر، فيلوسوفيا جانە ءدىن ماسەلەسى قوزعالدى.

حالىقارالىق سيمپوزيۋمعا قازاقستاننان جانە تۇركيادان عالىمدارمەن قوسا باسقا دا شەتەلدىك قوعام جانە ءدىن قايراتكەرلەرى قاتىستى.

سيمپوزيۋمدى قوجا احمەت ياساۋي اتىنداعى حالىقارالىق ۋنيۆەرسيتەتتىڭ رەكتورىنىڭ ورىنباسارى پروف. مەحمەت كۋتالمىش بايانداماسىمەن اشتى. شارا ءۇش كۇنگە جالعاسادى.

***

قىتايلىق ازامات ۇلۋ قابىعىنان وزگەشە قۇرىلىس جاسادى - تيان- شان پورتالى

Ұлудың қабыÒ

58 جاستاعى قىتايدىڭ شيڭداۋ قالاسىنىڭ تۇرعىنى جي جوۋتۇڭ ۇلۋ قابىعىنان وزگەشە قۇرىلىس ماكەتىن جاساپ شىقتى، دەپ حابارلايدى تيان- شان پورتالى.

Ұлудың қабыÒ

 جاستايىنان تەڭىز جاعاسىندا وسكەن ونەرلى ازامات ۇلۋ قابىعىنان ءار- ءتۇرلى اسەمدىك بۇيىمدار جاساۋعا ەرەكشە اۋەس بولعان. ال بۇل قۇرىلىس ماكەتتەرىن جاساۋعا ول 30 جىل ۋاقىتىن ارناپتى. ءارتۇرلى ۇلۋ قابىعىنىڭ ماتەريالدىق ەرەكشەلىگى مەن تۇسىنە نەگىزدەلىپ، ءوزى تۇرعان شيڭداۋ قالاسىنىڭ كوز تارتار عيماراتتارىنىڭ كىشىرەيتىلگەن نۇسقاسىن جاساپ شىققان.

اۆتور: ريزابەك نۇسىپبەك ۇلى

سوڭعى جاڭالىقتار