لوندوندا قازاق جازۋشىلارىنىڭ اعىلشىن تىلىنە اۋدارىلعان كىتاپتارى تانىستىرىلدى - فوتو
الەمدىك كىتاپ نارىعىندا ماڭىزدى ورىن الاتىن بۇل جارمەڭكە باسپاگەرلەر مەن اۆتورلاردىڭ اراسىنا دانەكەر بولۋىمەن قۇندى. ينتەللەكتۋالدىق ونىمدەردى ساۋدالايتىن الەمدىك ءىرى كومپانيالار وسى جەردە ءوزارا كەلىسسوزدەر جاساپ، ارىپتەستىك ورناتادى. دەمەك، اعىلشىن ءتىلدى وقىرمانعا ەندى تانىستىرىلا باستاعان قازاق ادەبيەتى ءۇشىن بۇل ۇلكەن مۇمكىندىك.
مىسالى، قازىردىڭ وزىندە قازاق پەن-كلۋبى مەن ۇلى بريتانياداعى Russel Press Ltd اراسىنداعى ىنتىماقتاستىق ناتيجەسىندە ساكەن ءجۇنىسوۆتىڭ: «اماناي مەن زاماناي» رومانى ءتارجىمالانۋدا.
جارمەڭكە اياسىندا وتكەن سەميناردا ق ر ۇلى بريتانيا جانە سولتۇستىك يرلانديا بىرىككەن كورولدىگىندەگى توتەنشە جانە وكىلەتتى ەلشىسى ەرلان ىدىرىسوۆ ءسوز الىپ، «رۋحاني جاڭعىرۋ» مەملەكەتتىك باعدارلاماسىنىڭ اياسىندا الەمدىك ەڭ تاڭداۋلى 100 كىتاپتىڭ قازاق تىلىنە اۋدارىلىپ جاتقانىن ءمالىم ەتتى.
ايتا كەتەيىك، كىتاپتاردىڭ تانىستىرىلىمى وتەتىندىگى تۋرالى قازاقستاننىڭ ۇلى بريتانياداعى ەلشىلىگى فەيسبۋكتەگى پاراقشاسىندا حابارلاعان بولاتىن.
نۇربەك ءاميشا