مينيستر ابايەۆ قازاقستانداعى ءسوز بوستاندىعى دەڭگەيىنە باعا بەردى

استانا. قازاقپارات - اقپارات جانە كوممۋنيكاتسيالار ءمينيسترى داۋرەن ابايەۆ قازاقستانداعى ءسوز بوستاندىعى دەڭگەيىنە 10 بالدىق شكالا بويىنشا باعا بەردى، - دەپ حابارلايدى Tengrinews.kz ءتىلشىسى.

«ىشكى ويىم ءسوز بوستاندىعى 10 بالدىق شكالا بويىنشا - 7-8. ءبىزدىڭ ۇمتىلاتىن مەجەلەرىمىز بار»، - دەدى ابايەۆ ۇكىمەت وتىرىسىنان كەيىن جۋرناليستەر سۇراعىنا جاۋاپ بەرە وتىرىپ. ول جۋرناليستەردىڭ كەز كەلگەن سۇراقتى قويا الاتىنىنا جانە ول ءۇشىن ەشكىم دە «جۇدىرىق الا جۇگىرمەيتىنىن» ايتا كەتتى.

مينيستر حالىقارالىق رەيتينگتەر كورسەتكىشى باسقا ەكەنىن، الايدا وعان اسەر ەتۋشى فاكتورلاردىڭ بار ەكەنىن ءتۇسىندىردى. «وكىنىشكە قاراي، ساۋالناما ءادىسى بولعاندا، ماماننىڭ باعاسىنا قاراعاندا سۋبەكتيۆ(جەكە كوزقاراس - رەد.) بولا تۇسەدى»، - دەدى ابايەۆ.