اقمولا وبلىسىندا ەكس-اكىمنىڭ ۇستىنەن ەكى بىردەي ءىس قوزعالدى

كوكشەتاۋ. قازاقپارات - اقمولا وبلىسىنداعى ەسىل اۋدانى كۋرسك اۋىلىنىڭ بۇرىنعى اكىمى ۆ. روگوزنىيدىڭ ۇستىنەن ەكى بىردەي سوت الدى وندىرىستىك ءىس قوزعالدى، دەپ حابارلايدى قازاقپارات ءتىلشىسى ءى ءى د باسپا ءسوز قىزمەتىنە سىلتەمە جاساپ.

«اعىمداعى جىلدىڭ 17 -ناۋرىزىندا ەسىل قالاسىنداعى اۋداندىق اۋرۋحاناسىنا 02.04.1971 -جىلى تۋعان بارجاقسى بەكسۇلتان ۇلى جامىشەۆ ەسىمدى ادام «جابىق مي سۇيەگى جاراقاتى، اۋىر دەڭگەيدەگى مي سوققىسى، سول جاق ماڭداي سۇيەگىنىڭ سىنىعى» دياگنوزىمەن تۇسكەن. ەر ادام ارادا 5 كۇن وتكەن سوڭ 22 -ناۋرىزدا كوز جۇمدى»، دەيدى باسپا ءسوز قىزمەتىنەن.

مارقۇمنىڭ تۋىستارى بارجاقسىنىڭ ولىمىنە ەسىل اۋدانى كۋرسك سەلوسىنىڭ بۇرىنعى اكىمى ۆ. روگوزنىي كىنالى دەپ وتىر. سول سەبەپتى وعان قاتىستى سوت الدى تەرگەۋ امالدارى قولعا الىنىپ وتىر.

«قازىرگى كەزدە ب. ب. جامىشەۆتىڭ ولىمىنە بايلانىستى ۆ. روگوزنىيدىڭ ۇستىنەن ق ر ق ك 105 -بابىنىڭ 1 -بولىگى بويىنشا (ءوزىن ءوزى ولتىرۋگە يتەرمەلەۋ) سوت الدى تەرگەۋ امالدارى جۇرگىزىلۋدە.

ناقتى شەشىم جۇرگىزىلگەن ساراپتاما قورىتىندىسى مەن ءىستىڭ ءمان-جايى انىقتالعاننان كەيىن عانا شىعارىلادى.

زارداپ شەككەن جاقتىڭ وكىلى . ب. تاسەمەنوۆانىڭ ارىزى بويىنشا سوتتىق- مەديتسينالىق ساراپتاما تاعايىندالدى. قازىرگى كەزدە، ساراپتاما قورىتىندىسى ءالى دايىن ەمەس»، دەپ ءتۇسىندىردى باسپا ءسوز قىزمەتىندەگىلەر.

سونىمەن قاتار، ۆ. روگوزنىيدى ۇستىنەن ق ر ق ك 346 -بابىنىڭ 1 -بولىگى بويىنشا (كولىك جۇرگىزۋ قۇقىنان ايىرىلعان تۇلعانىڭ كولىك باسقارۋ) سوت الدى تەرگەۋ امالدارى جۇرگىزىلۋدە.

ەسكە سالا كەتەيىك، جاقىندا وسى وقيعاعا بايلانىستى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ اقمولا وبلىسى بويىنشا دەپارتامەنتى ادەپ جونىندەگى كەڭەسىنىڭ وتىرىسى ءوتتى. وندا كەڭەس مۇشەلەرى ۆ. روگوزنىيدى ق ر «ق ر مەملەكەتتىك قىزمەت تۋرالى» زاڭىنىڭ 10 -بابىنىڭ 8 -بولىگى 1 -ءبولىمى، ق ر مەلەكەتتىك قىزمەتشىنىڭ ادەپ كودەكسىنىڭ ءبىرقاتار ەرەجەلەرىن بۇزعانىن انىقتاپ، ەسىل اۋدانىنىڭ كۋرسك سەلوسى اكىمى لاۋازىمىنان بوساتۋ تۋرالى ۇيعارىمعا كەلگەن بولاتىن.