شوقان ءۋاليحانوۆ پەن ماعجان جۇمابايەۆتىڭ جەكە زاتتارى كورمەگە قويىلدى - فوتو

None
None
پەتروپاۆل. قازاقپارات - سولتۇستىك قازاقستان وبلىستىق تاريحي-ولكەتانۋ مۇراجايىندا اۋداندىق مەملەكەتتىك مۋزەيلەردىڭ قورىنان جينالعان ەكسپوناتتاردان «تاريحي مۇرانى ساقتاي وتىرىپ» اتتى كورمە ۇيىمداستىرىلدى، دەپ حابارلايدى «قازاقپارات» ح ا ا.

كورمەگە ەكسپوناتتارىن 8 اۋدان قويعان. مەموريالدىق مۋزەيلەر تانىمال سولتۇستىكقازاقستاندىق ازاماتتاردىڭ ءومىرى مەن قىزمەتى تۋرالى ماتەريالداردى الىپ كەلگەن. عارىشكەر الەكساندر ۆيكتورەنكونىڭ كيىمى، عابيت مۇسىرەپوۆتىڭ كوزىلدىرىگى، شۋحوۆتىڭ جازۋ قۇرالدارى مۋزەيگە قويىلعان زاتتاردىڭ تەك ءبىر پاراسى عانا.

 

ەكسپوزيتسيادا ماعجان جۇمابايەۆ پەن ونىڭ وتباسىنىڭ جەكە زاتتارى قويىلعان. ولاردىڭ اراسىندا ساماۋرىن، كامپيت سالعىش ىدىس، جايناماز، اراب تىلىندەگى قۇران كىتابى، 1923 -جىلى تاشكەنتتە شىعارىلعان ولەڭدەر جيناعى سياقتى دۇنيەلەر بار. كورمەدە اقىننىڭ وزگەلەرگە بەيمالىم بولىپ كەلگەن پورترەتىن كورۋگە بولادى.

 

ەسىل اۋدانى كەڭەس وداعىنىڭ 6 باتىرى، ۇلى وتان سوعىسى ارداگەرلەرىنىڭ وتانى. وسىعان قاراي كورمەدە ماقتاۋ قاعازدارى، گيمناستەركا، مايداننان جازىلعان ءۇشبۇرىشتى حاتتار مەن وزگە دە اسكەري سالاعا بايلانىستى زاتتار قويىلعان.

 

سىرىمبەتتىك ش. ءۋاليحانوۆ تاريحي- ەتنوگرافيالىق مۋزەيىنىڭ وكىلدەرى كورمەگە ايگىلى، تاريحشى، ەتنوگرافتىڭ جەكە زاتتارىن الىپ كەلگەن. سونداي-اق عالىمنىڭ 1850 -جىلعى جول سومكەسى دە بار.

 

«اسىرەسە مۇندا شوقان ءۋاليحانوۆتىڭ ءىنىسىنىڭ پىلدىڭسۇيەگىن قولدانا وتىرىپ جاساعان ساندىعى ەرەكشە قىزىقتىرادى. سونىمەن قاتار ساياحاتشىنىڭ تۋعاندارىنا پەتەربۋرگتەن الىپ كەلىپ بەرگەن 1812 -جىلعى كارامەل قوراپشاسى قويىلعان دا كورمەدە تۇر»، - دەدى مۋزەيدىڭ قور ءبولىمىنىڭ مەڭگەرۋشىسى ناتاليا بوندارەنكو.

 

اۋداندىق ولكەتانۋ مۋزەيلەرىنىڭ قورلارىنداعى ەكسپوناتتاردان دايىندالعان كورمە العاش رەت ۇيىمداستىرىلۋدا. كورمە ءساۋىردىڭ ورتا تۇسىنا دەيىن جالعاسادى.

 





سوڭعى جاڭالىقتار