+7 (701) 759 90 19 Лента
13 °С : استانا
30 °С : الماتى
USD 346.68 EUR 404.02
RUB 5.47 CNY 51.15
جاڭالىقتار

كۇن سايىن بىرەۋدىڭ پارا ءۇشىن قامالعانىن ەستيمىز - سەناتور

14 ناۋرىز 21:10 207
:ءبولىسۋ
كۇن سايىن بىرەۋدىڭ پارا ءۇشىن قامالعانىن ەستيمىز - سەناتور

استانا. قازاقپارات - ق ر پارلامەنتى سەناتىنىڭ دەپۋتاتى ءبىرعانىم ايتىموۆا سىبايلاس جەمقورلىقپەن كۇرەس جۇمىسىنا ەرەكشە كوڭىل ءبولۋ قاجەتتىلىگى تۋرالى ايتتى، دەپ حابارلايدى قازاقپارات ءتىلشىسى.

ونىڭ پىكىرىنشە، سىبايلاس جەمقورلىقتىڭ سالدارىمەن كۇرەسۋ جەتكىلىكسىز، وعان نەگىز بولاتىن العىشارتتاردى جويۋ كەرەك.

«كۇن سايىن سىبايلاس جەمقورلىق ءۇشىن بىرەۋدىڭ قاماۋعا الىنعانىن ەستيتىن بولدىق. ءوزىمىزدىڭ مەملەكەتتىك قىزمەتشىلەرىمىزدى قورعايىق، بۇل ءبىزدىڭ ادامدار، ءبىزدىڭ ەلىمىز، ءبىزدىڭ بولاشاعىمىز. ەشكىم پارا الۋعا ۇمتىلمايتىنداي، ەشكىم ەشكىمدى ۇستاپ بەرمەيتىندەي جاعداي جاساۋىمىز كەرەك. ءبىر كەزدەرى بار كىنانى پارا الاتىن اعالار مەن اپالارعا جاباتىندار بولدى. جيىرما جىل بولدى، بيۋدجەتتىڭ قارجىلىق رەسۋرسىن بولەتىن جەردە ونداي اعا- اپالار جوق. ەندى سەندەردىڭ بۋىندارىڭ مۇنىمەن اينالىسىپ كەلەدى. ءبىز قارتايعاندا كومەككە جۇگىنەتىن ەلىمىزدىڭ جاس بۋىندارى اينالسىپ جاتىر. سوندىقتان، مەملەكەتتىك قىزمەتشىنى بارىنشا قورعاۋىمىز كەرەك»، - دەدى ب. ءايتىموۆا استانادا سىبايلاس جەمقورلىققا قارسى ءىس- قيمىل ماسەلەلەرى بويىنشا ازاماتتىق باستامالاردىڭ 2- كونگرەسىندە.

سونداي- اق، پارلامەنت وكىلى ونسىز دا تاپشى بولىپ وتىرعان مەملەكەتتىك قىزمەتشىلەردىڭ ازايىپ كەتۋى مۇمكىن ەكەنىن باسا ايتتى.

«كەي وبلىس اكىمدەرى ايتىپ ءجۇر، وڭتۇستىكتە مەملەكەتتىك قىزمەت ءۇشىن ادامدار كەزەكتە تۇر، ال سولتۇستىكتە كەرىسىنشە - جاقسى مامان تاپشى. تاعى ءبىر وبلىستىڭ اكىمدىگىندە بىردە- ءبىر قىزمەتكەر جوعارى لاۋازىمعا كوتەرىلە المايدى، سەبەبى ولاردىڭ سوگىستەن امانى جوق. مەنىڭ ويىمشا، ءبىز جەمقورلىقپەن كۇرەس دەگەن وسى ەكەن دەپ، ءبارىن جاپاتارماعاي جازالاپ جىبەرگەن سياقتىمىز. ولار مۇنداي تۇسىنىكپەن تۋمايدى عوي. سوندىقتان سىبايلاس جەمقورلىق تۇسىنىگىنە ناقتى ساي كەلەتىن شارالاردى ازىرلەۋىمىز كەرەك»، - دەيدى سەناتور.

اۆتور: ايجان سەرىكجان قىزى


:ءبولىسۋ
ونلاين قىزمەتكەرلەر
مۇراعات