+7 (701) 759 90 19 Лента
13 °С : استانا
30 °С : الماتى
USD 346.68 EUR 404.02
RUB 5.47 CNY 51.15
جاڭالىقتار

ناۋرىزدىڭ قاي كۇنى قاۋىپتى؟

15 ناۋرىز 02:03 656
:ءبولىسۋ
ناۋرىزدىڭ قاي كۇنى قاۋىپتى؟

 استانا. قازاقپارات - كوكتەمدە كۇن قۇبىلمالى كەلەدى. اسىرەسە سۋىق پەن جىلىنىڭ ورتاسىندا «ويناقتاپ» تۇرعان ناۋرىز ايىندا اۋا رايىنا ساي كيىنىپ، كۇتىنە ءبىلۋ كەرەك. ەندەشە كوكتەمدە مىنا جايتتاردى ەسكەرە جۇرىڭىزدەر.

 ناۋرىزدىڭ 11-15 ارالىعىندا اي ساتۋرن شوقجۇلدىزىمەن تۇيىسەدى. بۇل كەزدە اسپان الەمىنىڭ ادامزاتقا، اعزاعا اسەرى كوپ. بۇل ارالىقتا تاباننان سىز وتكىزبەي، مويىندى دا جىلى ۇستاعان ءجون. سەبەبى وسى كەزدە تيگەن سالقىن سوڭى توسەككە تاڭىلۋعا جەتكىزۋى مۇمكىن. اعزاعا فيزيكالىق كۇش ءتۇسىرۋ مەن جاراقاتتانۋ قاۋپى باسىم. سونىمەن قاتار ۋلانۋ سىندى قاۋىپ بار دەسەدى. ايدىڭ 15-16 كۇندەرى ومىرتقا مەن بۋىن اۋرۋلارىنان زارداپ شەگەتىندەردىڭ دەنساۋلىعىنا كۇتىم جاساعاندارى دۇرىس. ال تەرى مەن ءتىس اۋرۋلارىن بۇل كۇنى ەمدەۋ وڭدى ناتيجە بەرە قويماس. سونىمەن قاتار باستاعان ءىستى اياقتاۋعا قولايلى ءسات.

 ناۋرىزدىڭ 16-20 كۇندەرى اي پلۋتونمەن تۇيىسەدى ەكەن. ول سوزىلمالى سىرقاتتاردىڭ «سىرقىراۋى» ارقىلى سەزىلەدى. اياق- قول قاقساۋى، قۋىقاستى بەزى قابىنۋى، بۋىنداردىڭ قاقساۋى دا وسى كەزدە ۇدەيدى ەكەن. ساق تانۋ ءۇشىن فيزيكالىق اۋىرتپالىقتى ازايتىپ، جىلى كيىنىپ، جۇيكەنى شارشاۋدان ساقتاۋ ۇسىنىلادى. كۇن مەن ءتۇن تەڭەلەر تۇستاعى 20-22 كۇنى كۇن توقتى شوقجۇلدىزىنىڭ ىقپالىنا وتە باستايدى. ال اي نەپتۋنمەن تۇيىسەدى. بۇل كەزدە ءتۇرلى جاراقات، تۇرمىستىق حيميادان ۋلانۋ قاۋپىنەن ساق بولعان ءجون. ۇرلىق- قارلىق، توناۋ سىندى توسىن جايلاردان ساقتانۋ ءلازىم.

 22 - ناۋرىز. بۇل كەزدە تابيعاتتا ۇلكەن وزگەرىستەر بولىپ جاتادى. اي مەركۋريي مەن ۋراننىڭ تۇيىسەر سىزىعىمەن قاپتالداسادى. قىس كورپەسىن سىپىرىپ، كوكتەم لەبىن سەزدىرەدى. بالىقتار شوقجۇلدىزى ورنىن توقتىعا ۇسىنادى. وسىنىڭ ءبارى ادام اعزاسىنا اسەر ەتەدى. سەزىمتال جانداردا ول باس پەن ءتىس اۋرۋى، ۇيقىسىزدىق، كوزدىڭ تالۋى، قاجۋ، مازاسىز وي تۇرىندە بىلىنەدى. جول جۇرگەندە، كولىكتە قاۋىپسىزدىكتى ساقتاۋ كەرەك. جانىڭىز بەن ساناڭىزدى مەيلىنشە تىنىقتىرعان جاقسى. بۇل كەزدەگى كۇتىم مەن ميدى تىنىقتىرۋ جىلعا ازىق بولادى. ايدىڭ 24-30 جۇلدىزى ارالىعىندا سالقىن سۋ ءىشۋ، بالمۇزداق جەۋ، جەلەڭ كيىنۋگە اسىقپاعانىڭىز ورىندى. دايىن اس ونىمدەرىن تۇتىناردا جارامدىلىق مەرزىمى مەن ساقتاۋ ءتارتىبىن قاداعالاماساڭىز، ۋلانۋ قاۋپى بار. ءدارى- دارمەك جايلى دا سولاي دەۋگە بولادى. كۇنىنە 15 مينۋت كۇن مەن اۋا ۆانناسىن قابىلداپ، جارتى ساعات فيزيكالىق بەلسەندىلىك تانىتۋ وزىڭىزگە پايدالى. 30-31 ناۋرىز. كوكتەمنىڭ تولىق كۇشىنە مىنەتىن ۋاقىتىندا باۋىر، اس قورىتۋ جۇيەسىنىڭ جۇمىسىنا اۋىرلىق تۇسەدى. اشى، تۇزدى اس، ءسپيرتتى ىشىمدىكتەن باس تارتا تۇرىڭىز. بۇل كۇنى جىل بويعى جوسپارىڭىزدى رەت- رەتىمەن قاعازعا ءتۇسىرىپ قويساڭىز، تەزىرەك ورىندالۋىنا جول اشقانمەن تەڭ.

 zamana.kz

 


باستى سوزدەر: قوعام,
:ءبولىسۋ
ونلاين قىزمەتكەرلەر
مۇراعات