+7 (701) 759 90 19 Лента
13 °С : استانا
30 °С : الماتى
USD 346.68 EUR 404.02
RUB 5.47 CNY 51.15
جاڭالىقتار

جاقىندا قازاق- وزبەك تاريحي فيلمى تۇسىرىلەدى

14 ناۋرىز 15:24 218
:ءبولىسۋ
جاقىندا قازاق- وزبەك تاريحي فيلمى تۇسىرىلەدى

استانا. قازاقپارات - الداعى ۋاقىتتا قازاقستان مەن وزبەكستان بىرلەسكەن تاريحي فيلم تۇسىرمەكشى.

 بۇل جونىندە قازاقستان مەن وزبەكستان اراسىنداعى ەكىجاقتى ىنتىماقتاستىق جونىندەگى بىرلەسكەن ۇكىمەتارالىق كوميسسيانىڭ 17- وتىرىسىندا ق ر مادەنيەت جانە سپورت ءمينيسترى ارىستانبەك مۇحامەدي ۇلى مالىمدەدى، دەپ حابارلايدى Baq.kz اقپارات ءتىلشىسى.

«ءبىز وزبەكستاندىق ارىپتەستەرىمىزبەن بىرلەسكەن تاريحي فيلم ءتۇسىرۋ ماسەلەسىن پىسىقتاپ جاتىرمىز. ءبىزدىڭ ورتاق تاريحىمىز بار، ەگەر، موڭعولداردىڭ تاريحى جايلى ايتاتىن بولساق، ول ەكى ەل تاريحىنا تىكەلەي قاتىستى بولادى. قازىر ءبىز الدىمەن سەناري ازىرلەۋىمىز كەرەك»، - دەدى مينيستر.

ونىڭ ايتۋىنشا، كارتينانى ەكى ەل دە قارجىلاندىراتىن بولادى. مينيستر 15 - ناۋرىز كۇنى قازاقستانداعى وزبەكستان جىلى سالتاناتتى تۇردە ىسكە قوسىلاتىنىن ايتتى.

«ەكى ەل اراسىنداعى الەۋەت جوعارى. اسىرەسە، مادەنيەت، تۋريزم، سپورت سالاسىنداعى جەتىستىكتەر بىزگە ۇلكەن ءۇمىت سىيلاپ وتىر. بىرلەسكەن كۇش جۇمساۋ ارقىلى ءبىز ورتالىق ازيا ءوڭىرىن بولاشاقتا بۇكىل ادامزات ءۇشىن تارتىمدى جانە ماڭىزدى ەتە الامىز»، - دەدى ا. مۇحامەدي ۇلى.

اقمارال شاعاتاي

Baq.kz


باستى سوزدەر: مادةنيةت,
:ءبولىسۋ
ونلاين قىزمەتكەرلەر
مۇراعات