قازاقستاندا جاۋىن-شاشىن توقتاپ، كۇن جىلىنادى - سينوپتيكتەر

استانا. قازاقپارات - قازاقستاندا 15-17- ناۋرىز كۇندەرى جاۋىن-شاشىن توقتاپ، كۇن جىلىنا باستايدى، دەپ حابارلايدى قازاقپارات «قازگيدرومەت» ر م ك- عا سىلتەمە جاساپ.

«قاراعاندى وبلىسىنداعى بيىكتىك تسيكلونى مەن وعان بايلانىستى اۋا اعىندارىنىڭ سەبەبىنەن ورتالىق، سولتۇستىك جانە شىعىس وبلىستاردا قار، وڭتۇستىكتە قار ارالاس جاڭبىر جاۋادى. ءبىراق رەسپۋبليكانىڭ باتىس وبلىستارىنداعى سۋىق انتيتسيكلون جىلجىپ، ونىڭ ورنىنا بىرتە-بىرتە تسيكلون ورنىعا باستايدى»، - دەلىنگەن حابارلامادا.

سولتۇستىك وبلىستاردا 16-17- ناۋرىز كۇندەرى، ال وڭتۇستىكتە 17- ناۋرىزدا جاۋىن-شاشىن توقتايدى، رەسپۋبليكا شىعىسى مەن وڭتۇستىك-شىعىسىندا جاۋىن-شاشىن ءۇش كۇن بويى جالعاسادى. باتىس وڭىرلەردە انتيتسيكلوننىڭ شىعىسقا قاراي جىلجۋىنان كۇن جىلىنىپ، جاۋىن-شاشىن بولادى. وتكەن تاۋلىكتەردە تۇنگى اۋا تەمپەراتۋراسى مينۋس 20...28° توڭىرەگىندە بولسا، 16- ناۋرىزدا مينۋس 5-10 گرادۋسقا دەيىن كوتەرىلە تۇسەدى، ال كەيبىر جەرلەردە ءتىپتى 0°س تا بولادى.