+7 (701) 759 90 19 Лента
14 °С : استانا
25 °С : الماتى
USD 346.68 EUR 404.02
RUB 5.47 CNY 51.15
جاڭالىقتار

فيرۋزا ءشارىپوۆا موناكودا تيتۋلدىك جەكپە-جەككە شىعادى

14 ناۋرىز 13:11 205
:ءبولىسۋ
فيرۋزا ءشارىپوۆا موناكودا تيتۋلدىك جەكپە-جەككە شىعادى

الماتى. قازاقپارات - كاسىبي بوكستان قوس بىردەي سالماق دارەجەسىندە چەمپيوندىق اتاعى بار فيرۋزا ءشارىپوۆا 24- قازاندا موناكودا بىلعارى قولعاپ تۇيىستىرەدى، دەپ حابارلايدى قازاقپارات ءتىلشىسى.

سپورتشىنىڭ مەنەدجەرى سەرگەي زاۆيلەيسكي حابارلاعانداي، وسى باعىتتا موناكو بوكس فەدەراتسياسىنىڭ پرەزيدەنتى لوران پۋونسپەن كەلىسىم جاسالعان.

ەندى كۇزگى Sportel كورمەسى بارىسىندا موناكودا بوكس شوۋى وتەدى. باعدارلامانىڭ باستى كەيىپكەرى فيرۋزا ءشارىپوۆا بولماق.

«فيرۋزا الەمدىك رەيتينگتەگى 2№ سپورتشى فرانسيالىق مايۆا حامادۋشپەن شىعۋى ىقتيمال. ول ІBF ۆەرسياسى بويىنشا الەم چەمپيونى. ال فيرۋزا IBO Championship جانە WBC Silver چەمپيونى.

Sportel كورمەسىن جاريالاۋعا الەمنەن 3 مىڭعا جۋىق تەلەارنا وكىلى كەلەدى. سوندىقتان، بۇل فيرۋزا ءۇشىن تاپتىرماس مۇمكىندىك»، - دەدى مەنەدجەر.

بوكس كەشىنىڭ الدىنداعى سالماق ولشەۋ ءراسىمى Grimaldi Forum دا وتەدى.

«سونىمەن قاتار، موناكودا قازاق كۇرەسىنەن بەلدەسۋلەر ۇيىمداستىراتىن بولامىز. فيرۋزا قازاق كۇرەسىنەن ەلشى رەتىندە بارادى»، - دەدى سەرگەي زاۆيلەيسكي.

ايتا كەتۋ كەرەك، الەمدەگى ەڭ بەدەلدى سپورت ارنالارىنىڭ SportelAsia كورمەسى قازىر سينگاپۋردە ءوتىپ جاتىر. وندا قازاقستاندى فيرۋزا ءشارىپوۆانىڭ FSK Promotion پروموۋتەرلىك كومپانياسى مەن Qazaq kuresi كومپانياسى تانىستىرىپ جاتىر.


باستى سوزدەر: سپورت,
:ءبولىسۋ
ونلاين قىزمەتكەرلەر
مۇراعات