جەتى پروتسەنتتىك يپوتەكا قاي كەزدە بەرىلەدى؟

None
None
استانا. قازاقپارات - قازىرگى كەزدە مەملەكەتتىك ورگاندار مەن بانكتەر «7-20-25» باعدارلاماسىن پىسىقتاپ جاتىر. دەگەنمەن، ۇلتتىق بانك ارزان يپوتەكانى بەرۋ مەرزىمىن بەلگىلەپ قويدى، دەپ حابارلايدى قازاقپارات ءتىلشىسى.

«7 پروتسەنتتىك يپوتەكانى بەرۋ جۇمىستارى شامامەن جىلدىڭ ورتاسىندا باستالادى. ماۋسىم ايىنىڭ اياعىنا دەيىن بارلىق قۇقىقتىق-ۇيىمداستىرۋشىلىق شارالارىن اياقتايمىز دەگەن جوسپار بار. سودان شىلدە-تامىز ايلارىندا بانكتەر ارزان يپوتەكانى بەرۋدى باستايدى»، - دەدى ۇلتتىق بانك ءتوراعاسىنىڭ ورىنباسارى ولەگ سمولياكوۆ قازاقپارات تىلشىسىنە بەرگەن سۇحباتىندا.

ونىڭ ايتۋىنشا، جاڭا باعدارلاما اياسىندا جاڭادان قۇرىلاتىن كومپانيا بانكتەردەن يپوتەكالىق نەسيەلەردى ساتىپ الادى دا، جىلدىق مولشەرلەمەنى 7 پروتسەنتكە دەيىن تۇسىرەدى. ال نەسيەنى العان ازاماتتار بارلىق تولەمدەرىن بانككە جاساي بەرەدى.

«يپوتەكالىق نەسيەلەردىڭ العاشقى پۋلى جاسالعان بويدا ءبىز ونىڭ بارلىعىن ساتىپ الۋعا كىرىسەمىز. ارينە، ءار ادامنىڭ تولەم قابىلەتتىلىگىنە باسا نازار اۋدارىلادى. ەندى، مەملەكەتتىك باعدارالامالاردا اسكەريلەر، الەۋمەتتىك جاعىنان از قامتىلعان ازاماتتار جانە تاعى باسقا ساناتتار بار. جاڭا باعدارلامادا ونداي كاتەگوريالار بولمايدى. ءبىز بارلىق زاەمدارمەن جۇمىس ىستەيتىن بولامىز»، - دەپ اتاپ كورسەتتى و. سمولياكوۆ.

باس بانكيردىڭ ورىنباسارى «7-20-25» باعدارلاماسى اياسىندا قۇرىلاتىن جاڭا كومپانيا مەن «نۇرلى جەردە» وتىرعان قازاقستاننىڭ يپوتەكالىق كومپانياسىنىڭ ايىرماشىلىعىن دا جەتكىزدى. ونىڭ ايتۋىنشا، ق ي ك يپوتەكالىق زاەمداردى سۋبسيديالايدى. ال جاڭا قۇرىلاتىن كومپانيا ول نەسيەلەردى ساتىپ الاتىن بولادى.

ايتا كەتەيىك، ۇكىمەتتىڭ بۇگىنگى وتىرىسىندا ۇلتتىق بانكتىڭ ءتوراعاسى دانيار اقىشەۆ «7-20-25» باعدارلاماسىنىڭ جوباسىن تانىستىردى. باس بانكير 7 پروتسەنتتىك يپوتەكانىڭ باستى تالابىن دا جاريالادى.

سوڭعى جاڭالىقتار