استانالىق جۋرناليستەر اسكەري دايىندىقتان ءوتتى
اسكەري ءومىردىڭ قىزىق تا كۇردەلى تىرشىلىگىمەن تانىسقان ب ا ق وكىلدەرى اراسىندا «قازاقپارات» ح ا ا ءتىلشىسى دە بار.
ءۇش توپقا بولىنگەن جۋرناليستەر مەن بلوگەرلەر اراسىندا اسكەريلەندىرىلگەن ويىن تۇرىندەگى جارىس ءوتتى. جارىس باعدارلاماسىندا فيزيكالىق قابىلەتتەرمەن قاتار، اڭعارىمپازدىق پەن تاپقىرلىقتى جانە زەرەكتىكتى قاجەت ەتەتىن
لوگيكالىق تاپسىرمالار بولدى.
ءباسپاسوز تۋرىنىڭ نەگىزگى ماقساتى - بەلسەندى جانە سالاۋاتتى ءومىر سالتى مەن اسكەري- قولدانبالى سپورت تۇرلەرىن ناسيحاتتاۋ ەدى. شاراعا قاتىسقان تىلشىلەر اراسىندا العاش رەت اتقا ءمىنىپ، العاش رەت شاڭعى تەۋىپ كورگەندەر بار.
وان بولەك، تىلشىلەر پەينتبول مەن پنيەۆماتيكالىق ۆينتوۆكادان وق اتۋدا ءوز شەبەرلىكتەرىن تانىتىپ، جوعارى ناتيجە كورسەتتى. قارسىلاستى جەڭۋ ءۇشىن جۋرناليستەر ارنايى ستراتەگيا قۇرىپ، ىم- يشارامەن جۇمىس ىستەۋدى ۇيرەندى.
سايىس بارىسىندا كومپاسپەن جول تابۋدا، كەدەرگىلەردەن وتۋدە كوماندانىڭ ءبىر- بىرىنە ءوزارا كومەكتەسۋى قوسىمشا ۇپاي بەرەتىن. بۇل جۋرناليستەر اراسىنداعى ءوزارا قۇرمەت پەن دوستىقتى، ۇيىمشىلدىقتى نىعايتا ءتۇستى.
ويىن سوڭىندا جەڭىمپازدار ارنايى ديپلومدارمەن جانە مەدالدارمەن ماراپاتتالدى. ولاردىڭ جۇزىنەن وتان قورعاۋشىلارعا دەگەن قۇرمەتتىڭ ەسەلەپ ارتقانىن اڭعارۋ قيىن ەمەس ەدى
