ايەلدەر كۇنى مەرەكەسى: قوستانايدا بيكەشتەر اۆتوشەرۋى وتەدى
قوستاناي وبلىسى جاستار رەسۋرستىق ورتالىعىنىڭ ديرەكتورى ايگۇل ابدۋلينانىڭ ايتۋىنشا، 3 -ناۋرىزدا وتەتىن اۆتوشەرۋگە تەك قانا نازىك جاندىلار قاتىسادى.
«اۆتوشەرۋگە 21 جاستان اسقان بويجەتكەندەر عانا شىعادى. ايتا كەتەرلىگى، كولىكتەر بارلىق تەحنيكالىق تالاپتارىنا ساي بولۋى كەرەك. ءاربىر قاتىسۋشى جول قوزعالىسى ەرەجەلەرىن ءبىلۋى ءتيىس. قاتىسۋشىلار جول- پاترۋلدىك پوليتسياسى قىزمەتكەرلەرىمەن بىرگە جۇرەدى. ءار قاتىسۋشى اۆتوكولىكتى ءوزىنىڭ قالاۋى بويىنشا بەزەندىرەدى»، - دەدى ا. ابدۋلينا اگەنتتىك تىلشىسىنە.
قازىرگى ۋاقىتتا 15 بويجەتكەن اتالعان شاراعا قاتىسۋعا نيەت ءبىلدىرىپ وتىر. اۆتوشەرۋ جەڭىس پاركىنەن باستالىپ، «استىقجان» ساۋدا ورتالىعىندا مارەگە جەتەدى. جاستار رەسۋرستىق ورتالىعىندا ءمالىم ەتىلگەندەي، كولىك زاقىمدانعان جاعدايدا ارۋلار ونى ءوز قاراجاتىنا جوندەتەدى.