+7 (701) 759 90 19 Лента
24 °С : استانا
30 °С : الماتى
USD 340.27 EUR 396.31
RUB 5.39 CNY 52.39
جاڭالىقتار

قازاقستاندا ءدارى- دارمەك باعاسى قىمباتتايدى

15 اقپان 21:01 235
:ءبولىسۋ
قازاقستاندا ءدارى- دارمەك باعاسى قىمباتتايدى

 استانا. قازاقپارات - قازقستاندا ءدارى- دارمەك باعاسى كەلەسى جىلعا دەيىن قىمباتتايدى. ويتكەنى، باعانى رەتتەۋ تۋرالى زاڭ ءالى قابىلدانبادى.

دەنساۋلىق ساقتاۋ مينيسترلىگىنىڭ جەكەمەنشىك ءدارىحانالاردى تەكسەرۋگە قاۋقارى بولماي وتىر. بۇل تۋرالى ك ت ك ارناسى حابارلادى.

Energyprom ساراپتاماسى بويىنشا، قازاقستاندا گورموندىق دارىلەر باعاسى 22 پايىزعا قىمباتتادى. اسقازان اۋرۋىنا ارنالعان دارىلەر دە كۇننەن كۇنگە قىمباتتاۋدا.

ءلايلا تاستانوۆانىڭ دەنساۋلىعى بىرنەشە جىل بۇرىن ناشارلاعان. سودان بەرى ول ءجيى ءدارى ساتىپ الدى، اسىرەسە، گورموندىق دارىلەر.

ونىڭ ايتۋىنشا، باعا تۇراقسىز. دارىگە كەتكەن شىعىندار قالتامىزدى كوتەرمەيدى، دەيدى.

«گورموندىق پرەپاراتتاردى ءبىر جارىم جىل بۇرىن 500 تەڭگەگە ساتىپ السام، قازىر 1200-1400 تەڭگەگە الامىن. دارۋمەندەر دە قىمباتتادى. ءوزىنىڭ قۇتىسىنداعى مولشەرى وتە از. 2-3-ايعا الامىز. سونىڭ وزىندە 30 مىڭ تەڭگە كەتەدى. بۇل باعالار قالتامدى كوتەرمەيدى» ، - دەيدى ءلايلا تاستانوۆا.

ساراپشىلاردىڭ ايتۋىنشا، گورموندىق دارىلەر باعاسى 22 پايىزعا قىمباتتاعان. ءدارى بۇرىن 2 مىڭ تۇرسا، قازىر ۇستىنە 500 تەڭگە قوسىپ ساتىپ الادى.

ءدارىحانالاردىڭ بىرىندە ەر ادامدارعا ارنالعان گورموندىق دارىلەر  23500 تەڭگە تۇرسا، كەلەسى دۇكەندە ودان بىرنەشە مىڭ تەڭگە ارزان. ياعني ءار ءدارىحانا يەسى باعانى قالاي قويسا دا وزدەرى بىلەدى. ولار ەشكىمگە تاۋەلسىز.

قازىر تەك مەملەكەتتىك قارجى ەسەبىنەن ساتىپ الىنعان ءدارى باعالارى عانا تەكسەرىلەدى.

«زاڭ جوباسىندا ءابسوليۋتتى نارىق باعاسى كورسەتىلگەن. ءدارىنىڭ باستاپقى باعاسىنان - %20 ارتىق قوسىلماۋ كەرەك. بولشەك ساۋدادا %50 اسپاۋى قاجەت. پرەپارات قانشالىقتى قىمبات بولسا سونشالىقتى از قوسىلۋى كەرەك» ، - دەيدى ۇلتتىق دارىلىك زاتتاردى تەكسەرۋ ورتالىعى باس ديرەكتورىنىڭ ورىنباسارى ارنۇر نۇرتايەۆ.

قازاقستانداعى دارىلەردىڭ 90 پايىزى شەتەلدەن اكەلىنەدى. ياعني ونىڭ باعاسى دا ۆاليۋتا نارىعىنا تاۋەلدى. كەلەسى جىلى زاڭ شىقسا ءدارى باعاسى دا تۇراقتالار ەدى.


باستى سوزدەر: قوعام,
:ءبولىسۋ
ونلاين قىزمەتكەرلەر
مۇراعات