+7 (701) 759 90 19 Лента
22 °С : استانا
29 °С : الماتى
USD 338.78 EUR 392.82
RUB 5.35 CNY 52.62
جاڭالىقتار

ماعجان جۇمابايەۆپەن ايداۋدا بىرگە بولعان تورعايلىق فايزوللا اقىننىڭ ولەڭدەرى تابىلدى

15 اقپان 21:08 251
:ءبولىسۋ
ماعجان جۇمابايەۆپەن ايداۋدا بىرگە بولعان تورعايلىق فايزوللا اقىننىڭ ولەڭدەرى تابىلدى

قوستاناي. قازاقپارات - توبىل- تورعاي اقىندىق مەكتەبىنىڭ ءىرى وكىلدەرىنىڭ ءبىرى - فايزوللا ساتىبالدى ۇلىنىڭ ەش جەردە جارىق كورمەگەن شىعارمالارى تابىلدى، دەپ حابارلايدى قازاقپارات.

فايزوللا اقىننىڭ بۇرىن جاريالانباعان ءۇش داستانى جانە تاعى ءبىرشاما ولەڭدەرىن امانگەلدى اۋدانى، قاراسۋ اۋىلىنىڭ تۇرعىنى قانەن قورجىن ۇلى جازىپ العان. قانەن قورجىن ۇلى - فايزوللا ساتىبالدى ۇلىنىڭ ولەڭدەرىن ەڭ العاش اۋدارىپ، ەل اۋزىنداعى اڭگىمەلەردى جازىپ الىپ، قاعاز بەتىنە تۇسىرگەن كىسىلەردىڭ ءبىرى. قولجازبانى ونىڭ ۇلى مىرزابەك اقساقال تاۋىپ العان. ول كىسى قازىر وسى قاراسۋ اۋىلىندا تۇرادى.

ارقالىق قالاسىنداعى دالا ولكەسى تاريحى وبلىستىق مۇراجايىنىڭ عىلىمي قىزمەتكەرى باتىرلان ساعىنتايەۆتىڭ سوزىنشە، قانەن - ءوزى دە اقىن بولعان كىسى. جازعان بىرنەشە داستانى، ارناۋ ولەڭدەرى بار. سوعىستا ءجۇرىپ جازعان ولەڭدەرى ەل ىشىنە كەڭ تارالعان.

«قانەن قورجىن ۇلى فايزوللا، الماعامبەت، ءسات اقىنداردىڭ ولەڭدەرىن، حالىق اۋىز ادەبيەتى ۇلگىلەرىن جيناپ، قولجازبا قورلارىنا تاپسىرىپ تۇرعان. سوڭعى تابىلعان قولجازبادا فايزوللا اقىننىڭ «ءومىربايان»، «ۇزاق جول»، «توقىمبەت»، «مارحۋما»، «اياتتان الىنعان ءسوز» سەكىلدى بىرنەشە داستانى مەن ولەڭدەرى بار. قولجازبا 195 بەتتەن تۇرادى. ولەڭدەر كيريلليتسادا جازىلعان. 18 جازبا قامتىلعان. بۇل - فايزوللا ساتىبالدى ۇلىنىڭ شىعارماشىلىعىن زەرتتەپ، زەردەلەيمىن دەگەندەر ءۇشىن تاپتىرماس قازىنا»، - دەيدى باتىرلان ساعىنتايەۆ.

 فايزوللا ساتىبالدى ۇلى -  ⅩⅨعاسىردا قالىپتاسىپ، وزىندىك ءداستۇر ەرەكشەلىگى بار مەكتەپ جاساعان تورعاي اقىندىق مەكتەبىنىڭ ءىرى وكىلى. ول 1883 -جىلى ەسىمى ورتا ازياعا بەلگىلى ساتىبالدى يشاننىڭ وتباسىندا دۇنيەگە كەلگەن. جاسىنان ءدىني ءبىلىم الىپ، ترويتسكىدە، بۇحارادا مەدرەسەدە وقىپ قۇران قاري اتاعىن العان فايزوللا ءدىني ساۋاتتىلىعىمەن بىرگە اراب، پارسى، تۇركى حالىقتارىنىڭ اڭىز- ءافسانالارىن، ەرتەگى، جىرلارىن جاقسى بىلگەن. ءتۇرلى تاقىرىپتارعا قالام تارتىپ، جىرلار جازىپ ارتىنا مول مۇرا قالدىرعان. «ايقاپ» جۋرنالىنا وقۋ- اعارتۋ، شارۋاشىلىق ماسەلەلەرىن كوتەرىپ ماقالالار جازىپ تۇرعان. احمەت بايتۇرسىن ۇلى، ءمىرجاقىپ دۋلاتوۆ، احمەتساپا ءجۇسىپ ۇلى سەكىلدى الاشوردا وكىلدەرىمەن ارالاس- قۇرالاس، سىيلاس بولعان فايزوللا كوپ قۋعىن- سۇرگىن كورگەن. 1959 -جىلى ءوزىنىڭ تۋعان جەرىندە دۇنيەدەن وتكەن.

اۆتور: قاسقىرباي قويشىمانوۆ


ماعجان جۇمابايەۆپەن ايداۋدا بىرگە بولعان تورعايلىق فايزوللا اقىننىڭ ولەڭدەرى تابىلدى


باستى سوزدەر: قوعام, مادةنيةت,
:ءبولىسۋ
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049
مۇراعات