+7 (701) 759 90 19 Лента
22 °С : استانا
26 °С : الماتى
USD 338.78 EUR 392.82
RUB 5.35 CNY 52.62
جاڭالىقتار

ەرلى- زايىپتى حراپۋنوۆتار تاعى دا استاناعا تەرگەۋگە شاقىرتىلدى

15 اقپان 20:14 312
:ءبولىسۋ
ەرلى- زايىپتى حراپۋنوۆتار تاعى دا استاناعا تەرگەۋگە شاقىرتىلدى

استانا. قازاقپارات - ۆيكتور جانە لەيلا حراپۋنوۆتار جانە ولاردىڭ تۋىسى ايار يلياسوۆ استاناعا تەرگەۋگە شاقىرىلدى، دەپ حابارلايدى «قازاقپارات» سىبايلاس جەمقورلىققا قارسى ءىس- قيمىل ۇلتتىق بيۋروسىنا سىلتەمە جاساپ.

 «سىبايلاس جەمقورلىققا قارسى ءىس- قيمىل ۇلتتىق بيۋروسى الماتى قالاسى مەن شقو- نىڭ بۇرىنعى اكىمى ۆ. حراپۋنوۆ، ل. حراپۋنوۆا جانە ا. يلياسوۆ جانە تاعى باسقالارعا قاتىستى قىلمىستىق ءىستى تەكسەرىپ جاتىر. تەرگەۋ بارىسىندا اتتارى اتالعان ادامدار مەن ولاردىڭ سىبايلاستارىنىڭ ءىس- ارەكەتتەرىنەن زاڭعا قايشى فاكتىلەر انىقتالدى»، - دەپ جازىلعان حابارلامادا.

ق ر ق پ ك 208 - بابىنىڭ 1-بولىگىنە سايكەس كۇدىكتىلەر تەرگەۋ جۇمىستارىنا شاقىرتۋ قاعازى ارقىلى شاقىرىلادى.

«كۇدىكتىلەر قازاقستان اۋماعىنان تىسقارى جەردە ءجۇرىپ، شاقىرۋدان بوي تاسالاۋىنا بايلانىستى، سىبايلاس جەمقورلىققا قارسى قىزمەت ق ر  ق پ ك 205- بابىنىڭ 3-بولىگىنە سۇيەنە وتىرىپ كۇدىكتىلەرگە شاقىرۋ قاعازى جىبەرىلگەنىن بۇقارالىق اقپارات قۇرالدارىندا جاريالايدى. اتتارى اتالعان كۇدىكتىلەر 2018 -جىلدىڭ 26 -اقپانىندا ساعات 15:00-دە قازاقستان رەسپۋبليكاسى، استانا قالاسى، سەيفۋللين كوشەسى 37 مەكەنجايىندا ورنالاسقان سىبايلاس جەمقورلىققا قارسى ءىس- قيمىل ۇلتتىق بيۋروسىنداعى جەدەل- تەرگەۋ توبىنىڭ جەتەكشىسى سەرگەي پەروۆقا كەلۋى كەرەك»، - دەپ جازىلعان حابارلامادا.

ق ر ق پ ك 205-بابىنىڭ 3-بولىگىنە سايكەس، ۆ. حراپۋنوۆ، ل. حراپۋنوۆا جانە ا. يلياسوۆ جانە تاعى باسقالارعا قاتىستى ەسكەرتۋ شۆەيتساريانىڭ دا رەسپۋبيكالىق جانە ولاردىڭ تۇرعىلىقتى جەرلەرىندەگى بۇقارالىق اقپارات قۇرالدارىندا جاريالانادى.


باستى سوزدەر: زاڭ جانە قۇقىق ,
:ءبولىسۋ
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049
مۇراعات