قوستانايدىڭ تەمىر رۋدا كونسەنتراتى قىتايعا جونەلتىلدى

None
None
قوستاناي. قازاقپارات - سوڭعى 5 جىلدا قوستانايدان قىتايعا ەكسپورتقا 19 مىڭ توننا تەمىر رۋداسىنىڭ كونسەنتراتى جىبەرىلدى.

بۇل تۋرالى ليساكوۆسك قالاسىنىڭ اكىمى المات ىسماعۇلوۆ تۇرعىندارعا ەسەپ بەرۋ كەزدەسۋىندە ايتتى، دەپ حابارلايدى قازاقپارات.

 جالپى، بىلتىر ليساكوۆسك قالاسىنىڭ وندىرىستىك كاسىپورىندارى 38 ميلليارد تەڭگەنىڭ ءونىمىن وندىرگەن. بۇل - سوڭعى بەس جىلداعى ەڭ جوعارعى كورسەتكىش. تاۋ- كەن ءوندىرىسى 30 ميلليارد تەڭگەنىڭ ءونىمىن شىعاردى. اتالعان كورسەتكىش 2016 -جىلمەن سالىستىرعاندا %5عا ارتىق. بوكسيت ءوندىرۋ دە %3 عا ءوسىپ، سوڭعى ءۇش جىلدا جالپى كولەمى%10عا ارتتى. دەگەنمەن، كەي ءوندىرىس وشاقتارىنىڭ كورسەتكىشتەرى كوڭىل كونشىتپەيدى. قالا اكىمىنىڭ سىنىنا ۇشىراعان «وركەن» جشس بار بولعانى 450 مىڭ توننا تەمىر رۋداسىن وندىرگەن.

«ازىرگە ماقتانارلىعى، سەرىكتەستىك سوڭعى بەس جىلدا ءبىرىنشى رەت قىتاي نارىعىنا 19 مىڭ توننا تەمىر رۋداسى كونسەنتراتىن شىعاردى. باسقا جاعى باسەڭدەپ جاتىر. سونى قولعا الۋ كەرەك. نەگىزى، تەمىر ءوندىرۋ سالاسىنىڭ دامۋىنا يندۋستريالدى- يننوۆاتسيالىق باعدارلاما اياسىندا جۇزەگە اسقان جوبالار ايتارلىقتاي ۇلەس قوستى. مىسالى، «ليسبۋم» ، «ك ب ك-2015» ، «سپەتسستالكونسترۋكتسي» كومپانيالارى ءوز ونىمدەرىنەن 500 ميلليون تەڭگە پايدا تاپتى» ، - دەدى قالا اكىمى.

ليساكوۆ اكىمىنىڭ سوزىنشە، 2018 -جىلى وڭىردە 660 توننا تەمىر كونسەنتراتى وندىرىلمەك. بۇعان قوسا قالادان شىعا بەرىستەگى تەمىر جول رەلستەرى جاڭارادى.

 

اۆتور: قاسقىرباي قويشىمانوۆ

سوڭعى جاڭالىقتار