+7 (701) 759 90 19 Лента
22 °С : استانا
29 °С : الماتى
USD 338.78 EUR 392.82
RUB 5.35 CNY 52.62
جاڭالىقتار

قىلمىسكەرلەر جالعان اقشانى قالاي جاسايدى

15 اقپان 18:05 502
:ءبولىسۋ
قىلمىسكەرلەر جالعان اقشانى قالاي جاسايدى

استانا. قازاقپارات - ق ر قارجى مينيسترلىگى مەملەكەتتىك كىرىستەر كوميتەتىنىڭ ماماندارى قىلمىسكەرلەردىڭ جالعان اقشانى قالاي جاسايتىنىن ايتىپ بەردى، دەپ حابارلايدى قازاقپارات ءتىلشىسى.

پروفيلاكتيكالىق جۇمىس جانە باقىلاۋ باسقارماسى باسشىسى ورىنباسارىنىڭ مىندەتىن اتقارۋشى ەردەن جۇمانىڭ ايتۋىنشا، جالعان اقشادا ارنايى قورعانىس ەلەمەنتتەرى دە بولادى. الايدا ونىڭ قولدان جاسالعانىن بىردەن انىقتاۋ قيىن. «ءبىز كەيدە «سۋ تاڭباسى» بار بولسا، دۇرىس اقشا دەپ ويلايمىز عوي. مىسالى، مەن ءوز كوزىمەن كوردىم. 10000 تەڭگەلىك كۋپيۋرانىڭ ارنايى بەلگىسى بولدى. ىشىندە «سۋ تاڭباسى» بار، ءبىراق انىق ەمەس. ال ونداي اقشانىڭ بىردەن جالعان ەكەنىن انىقتاۋ قيىن» ، - دەدى ە. جۇما استانادا وتكەن باسپا ءسوز ءماسليحاتىندا.

ونىڭ سوزىنە قاراعاندا، قىلمىسكەرلەر جالعان اقشانى جاساۋدىڭ سان الۋان ءادىس- تاسىلدەرىن قولدانادى. «مىسالى، جالعان كۋپيۋرانى تولىعىمەن پرينتەردەن شىعارۋى مۇمكىن. بولماسا، جارتىلاي كەسەدى دە، ءبىر كۋپيۋرا جاسايدى. سوندا ءبىر جارتىسى - دۇرىس اقشا، ەكىنشىسى قولدان جاسالعان. ەكەۋىنىڭ اراسىن ادەمىلەپ تۇرىپ جابىستىرادى دا، ادامعا دۇرىس جاعىمەن بەرەدى. قولعا ۇستاعاندا جالعان اقشا ەكەنىن بىلىنبەيدى. ەكى جارتىنى ارنايى لەنتامەن دە، سكوتچپەن دە بىلدىرتپەي جابىستىرادى. كەي كەزدە ونداي اقشا تەلەفون جانە تاعى باسقا قىزمەتتەردى تولەگەندە تەرمينالداردان دا ءوتىپ كەتەدى. سوندىقتان بارىنشا اباي بولۋ قاجەت. اسىرەسە، تۇنگى ۋاقىتتا اقشانى تەكسەرىپ وتىرعان ءجون» ، - دەپ اتاپ كورسەتتى ە. جۇما.

 ايتا كەتەيىك، باسپا ءسوز ءماسليحاتىندا ەردەن جالعان اقشانى قاي كۋپيۋرامەن ءجيى جاسايتىنىن دا ايتىپ بەردى.

 

اۆتور: ارمان اسقاروۆ


باستى سوزدەر: قوعام,
:ءبولىسۋ
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049
مۇراعات