ۇزدىك مەملەكەتتىك قىزمەتشىنى انىقتايتىن كونكۋرس وتكىزىلىپ جاتىر
دەپ حابارلايدى ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگىنىڭ باسپا ءسوز قىزمەتى.
كونكۋرس ەكى كەزەڭنەن تۇرادى. I - كەزەڭ - وڭىرلىك (وبلىستىق) دەڭگەي.
ەكىنشى كەزەڭگە قاتىسۋشىلاردى ىرىكتەۋدى وڭىرلىك كونكۋرستىق كوميسسيا جۇرگىزەدى.
وڭىرلىك كونكۋرستىق كوميسسيا اگەنتتىكتىڭ اۋماقتىق دەپارتامەنتتەرىنىڭ جانىنان قۇرىلادى جانە قوعامدىق بىرلەستىكتەردىڭ، ۇكىمەتتىك ەمەس ۇيىمداردىڭ، ب ا ق، مەملەكەتتىك ورگانداردىڭ باسشىلارىنان جانە باسقا دا تۇلعالاردىڭ وكىلدەرىنەن تۇرادى.
ءبىرىنشى كەزەڭ 10 - ساۋىرىندە اياقتالادى. اتالعان كەزەڭدە، ۇمىتكەرلەر قۇجات تاپسىرادى جانە ولاردىڭ ادىستەمەلىك ۇسىنىمعا سايكەستىگى تەكسەرىلەدى، سودان كەيىن كانديداتتار ستراتەگيالىق جانە باعدارلامالىق قۇجاتتار بويىنشا تەست تاپسىرادى. سوڭىندا احۋالدىق ماسەلەنى شەشۋ قابىلەتى باعالانادى.
II كەزەڭ - رەسپۋبليكالىق دەڭگەي. اگەنتتىكتىڭ جانىنداعى پارلامەنت دەپۋتاتتارى، «اتامەكەن» كاسىپكەرلىك پالاتاسى وكىلدەرى، قوعامدىق بىرلەستىكتەر، ب ا ق جانە لاۋازىمدى تۇلعالار قاتىساتىن كوميسسيا ىرىكتەۋ جۇرگىزەدى.
اتالعان كەزەڭدە ۇمىتكەرلەر جەكە جوبالىق جۇمىس ۇسىنادى. جوبالىق جۇمىستا مەملەكەتتىك ورگاندار قىزمەتىنىڭ تيىمدىلىگىن ارتتىرۋ بويىنشا جاڭالىقتار ۇسىنىلۋى ءتيىس. بۇل رەتتە، اتالعان ۇسىنىستاردىڭ ەكونوميكالىق نەمەسە الەۋمەتتىك اسەرى كورسەتىلۋى قاجەت.
شەشىم ارنايى ازىرلەنگەن باعالاۋ ولشەمىن قولدانۋ ارقىلى داۋىس بەرۋ جولىمەن قابىلدانادى.
ەكىنشى كەزەڭنىڭ قورىتىندىسى 2018 -جىلدىڭ 10 - ماۋسىمىندا شىعارىلادى.
بايقاۋعا قاتىستى تولىق اقپارات اگەنتتىكتىڭ سايتىندا ورنالاستىرىلعان ارنايى ادىستەمەلىك ۇسىنىمدا كورسەتىلگەن.