ەلباسى ۇ ق ك ءتوراعاسى كارىم ءماسىموۆتى قابىلدادى

استانا. قازاقپارات - ق ر پرەزيدەنتى نۇرسۇلتان نازاربايەۆ ۇلتتىق قاۋىپسىزدىك كوميتەتىنىڭ ءتوراعاسى كارىم ءماسىموۆتى قابىلدادى، دەپ حابارلايدى اقوردانىڭ باسپا ءسوز قىزمەتى.

مەملەكەت باسشىسىنا كوميتەتتىڭ قازىرگى قىزمەتى مەن الداعى كەزەڭگە ارنالعان مىندەتتەرى جونىندە مالىمدەلدى.

ورتالىق ازيا ەلدەرىنىڭ سىرتقى ىستەر مينيسترلەرى مەن مەملەكەت باسشىلارىنىڭ الداعى كەزدەسۋلەرى قارساڭىندا نۇرسۇلتان نازاربايەۆ وڭىرلىك قاۋىپسىزدىكتى نىعايتۋ جانە ءدىني ەكسترەميزم مەن تەرروريزمگە قارسى كۇرەس جۇرگىزۋ ىسىندە شەتەلدىك ارىپتەستەرمەن ءوزارا ىقپالداستىق ورناتۋدىڭ ماڭىزدىلىعىن اتاپ ءوتتى.

 كەزدەسۋ سوڭىندا ەلباسى ءبىرقاتار ناقتى تاپسىرما بەردى.