سەمەيدە جولاۋشىلار مىنگەن اۆتوبۋس اۋدارىلىپ قالدى

سەمەي. قازاقپارات - سەمەيدە №56 -جولاۋشىلار اۆتوبۋسى جىلدامدىقتى ارتتىرۋ سالدارىنان اۋدارىلىپ قالدى، دەپ حابارلايدى «قازاقپارات» ح ا ا ءتىلشىسى.

وقيعا تۇستە «كولىك بازارى» اۋماعىندا بولعان. جوعارى جىلدامدىقپەن كەلە جاتقان اۆتوبۋس جۇرگىزۋشىسى قيىلىستان ءوتىپ كەتپەكشى بولعان، الايدا بۇرىلىپ ۇلگەرمەگەن، سونىڭ سالدارىنان اۆتوبۋس جولدىڭ جاعاسىنا شىعىپ كەتىپ، جولاۋشىلارمەن بىرگە اۋدارىلعان.

اپاتتىڭ سالدارىنان 9 ادام زارداپ شەككەن. قۇربان بولعاندار جوق.

اۆتوبۋس جولاۋشىلارى جۇرگىزۋشىگە بىرنەشە رەت ەسكەرتۋ جاساعان.

«ەسۋاس جۇرگىزۋشى»، - دەدى جولاۋشىلاردىڭ ءبىرى اۆتوبۋستان شىعىپ جاتىپ.

قازىر وقيعا ورنىندا پوليتسەيلەر جۇمىس ىستەپ جاتىر. زارداپ شەگۋشىلەر ءتۇرلى جاراقاتپەن اۋرۋحاناعا جەتكىزىلدى.