قاتەرلى ىسىككە قارسى ەكپە ويلاپ تابىلدى

None
None
 استانا. قازاقپارات - سان- فرانتسيسكو قالاسىنداعى كاليفورنيا ۋنيۆەرسيتەتىنىڭ عالىمدارى راك جاسۋشالارىن ولتىرەتىن گەنەتيكالىق تۇرلەندىرىلگەن ۆيرۋس جاسادى.

  سونىمەن قاتار ول ىسىككە قارسى يممۋندىق رەاكتسيانى ىنتالاندىرادى.

ونكوليتيكالىق Pexa-Vec ۆيرۋسى سيىر وپساسىنىڭ وزگەرتىلگەن نۇسقاسى بولىپ تابىلادى. وعان يممۋندىق جاسۋشالاردىڭ ءوسۋىن ىنتالاندىراتىن شاعىن پەپتيدتى مولەكۋلانى كودتايتىن گەن قوسىلعان.

بۇل تۋرالى MedicalXpessءتىڭ باسپا ءسوز حابارلاماسىندا ايتىلدى، دەپ حابارلايدى Stan.kz .

سونىمەن قاتار، تيميدين كينازىنىڭ گەنى ۆيرۋستان الىنىپ تاستالدى. سونىڭ ناتيجەسىندە ينفەكتسيالىق اگەنت تەك ارنايى گەندەردە، RAS جانە p53 مۋتاتسياسىنا بايلانىستى كينازدىڭ دەڭگەيى جوعارى بولعان راك كلەتكالارىندا عانا شىعارا الادى.

Pexa-Vec قاتەرلى ىسىكتى ۇلعايتاتىن قان تامىرلارىنىڭ ءوسۋىن شەكتەپ، ونىڭ ءوسۋىن تومەندەتەدى. بۇل جاعدايدا ەكپەنى باسقا ىشكى اعزاعا ەنگىزۋگە بولادى. بۇل تۇرلەندىرىلگەن جۇقپالى اگەنتكە تەك باستاپقى قاتەرلى ىسىكتى ەمەس، سونىمەن بىرگە بۇكىل اعزادا ورنالاسقان مەتاستازداردى جويۋعا مۇمكىندىك بەرەدى.

Pexa-Vec ەكپەسىنە تاجىريبە نەيروەندوكريندىك پانكرەاتيالىق قاتەرلى ىسىكپەن اۋىراتىن تىشقاندارعا جاسالدى. ۆيرۋس ساۋ ورگانداردى ەشقانداي زيانىن تيگىزە المادى. ءبىراق قان تامىرلارىنا زاقىم كەلتىردى. جۇقپالى اگەنت زياندى جاسۋشالاردىڭ تەك ءبىر بولىگىن عانا بۇزسا دا، يممۋندىق رەاكتسيا تۋىنداعان كەزدە بۇل ىسىك جوعالىپ كەتەدى.

سوڭعى جاڭالىقتار