قازاقستان قالالارىندا ەت قانشا تۇرادى - زەرتتەۋ
سايتتىڭ اقپاراتىنا سەنسەك، قالالىق جەرلەردە 18,7 ك گ، اۋىلداردا 16,6 ك گ ەت تۇتىنىلادى. ەت جانە ەت ونىمدەرىنىڭ ىشىندە ءىرى قارانىڭ ەتىنە سۇرانىس جوعارى، ورتاشا 5,6 ك گ سيىر ەتى (2016 -جىلعىعا قاراعاندا 3,1 پايىزعا از) جانە 1,9 ك گ قوي ەتى (6,8 پايىزعا از) تۇتىنىلعان.
2018 -جىلعى قاڭتاردا 1 ك گ ءىرى قارا ەتى قازاقستاندا 15,1 پايىزعا قىمباتتاپ، 1462,1 تەڭگە بولدى. قويدىڭ ەتى باعاسىنىڭ ءوسىمى دە سوعان شامالاس، ياعني بىلتىرعىعا
قاراعاندا 14,7 پايىزعا كوتەرىلىپ، 1383,3 تەڭگەگە جەتتى.
ەڭ قىمبات سيىر ەتى استانادا. ەلوردادا 1 ك گ ەتتىڭ باعاسى ءبىر جىلدا 19 پايىزعا ءوسىپ، 1654 تەڭگەگە جەتتى. ەكىنشى ورىنداعى الماتىدا 1627 تەڭگە (14,6+ پايىز)، ال اتىراۋدا 1530 تەڭگە (17+ پايىز).
ەت باعاسىنىڭ ءوسۋ قارقىنى بويىنشا ورالعا جەتەتىن قالا بولماي تۇر. باتىس قازاقستان وبلىسىنىڭ ورتالىعىندا 1 ك گ سيىر ەتى 25 پايىز عا قىمباتتاپ، 1400 تەڭگە بولدى. كوكشەتاۋدا 23,6 پايىزعا كوتەرىلىپ، 1403 تەڭگەگە جەتتى، ال جەزقازعاندا باعا 23,1 پايىزعا ءوسىپ، 1474 تەڭگەنى قۇرادى.
ەڭ قىمبات قوي ەتى دە - استانادا. ەلوردالىقتار ءبىر جىلدا 15,4 پايىز قىمباتتاعان قوي ەتىنىڭ 1 كيلوگرامىنا 1720 تەڭگە تولەپ وتىر. ودان كەيىنگى ورىنداردا 1632 تەڭگەمەن (+20,4 پايىز) الماتى جانە 1463 تەڭگە (4,4+ پايىز) كورسەتكىشىمەن اقتاۋ كەلەدى.
قوي ەتى باعاسىنىڭ كۇرت ءوسۋى جەزقازعاندا (28 پايىز، 1441 تەڭگە)، شىمكەنتتە (26,8 پايىز، 1410 تەڭگە) جانە قىزىلوردادا (22,9 پايىز، 1352 تەڭگە) بايقالدى.