+7 (701) 759 90 19 Лента
24 °С : استانا
30 °С : الماتى
USD 340.27 EUR 396.31
RUB 5.39 CNY 52.39
جاڭالىقتار

ق ر س ءى م باسشىسى كاسپي ماڭى مەملەكەتتەرىنىڭ سامميتى تۋرالى ايتىپ بەردى

15 اقپان 14:21 247
:ءبولىسۋ
ق ر س ءى م باسشىسى كاسپي ماڭى مەملەكەتتەرىنىڭ سامميتى تۋرالى ايتىپ بەردى

استانا. قازاقپارات - ق ر سىرتقى ىستەر ءمينيسترى قايرات ءابدىراحمانوۆ كاسپي ماڭى مەملەكەتتەرى سامميتىنىڭ تالقىلانار تاقىرىبى تۋرالى ايتتى، دەپ حابارلايدى «قازاقپارات» ح ا ا ءتىلشىسى.

«كاسپي ماڭى مەملەكەتتەرى سامميتى تۋرالى ايتار بولسام، بۇل جەردە كاسپي تەڭىزىنىڭ قۇقىقتىق مارتەبەسى تۋرالى كونۆەنسيانى قابىلداۋعا بايلانىستى بولىپ وتىر. ول - قازاقستان، ازەربايجان، رەسەي، تۇرىكمەنستان، يران اراسىنداعى بەسجاقتى قۇجات. ءبىز سىرتقى ىستەر مينيسترلەرىنىڭ وتكەن جىلدىڭ جەلتوقسانىندا ماسكەۋدە وتكەن كەڭەسىندە وسى كونۆەنتسيانىڭ الدىن الا ءماتىنىن كەلىسىپ العان بولاتىنبىز. قازىر تەحنيكالىق جۇمىس تۋرالى ءسوز قوزعالىپ وتىر»، - دەيدى مينيستر پارلامەنت سەناتىنىڭ وتىرىسىنان كەيىنگى تىلشىلەرگە بەرگەن سۇحباتىندا.

ونىڭ ايتۋىنشا، قازىرگى ۋاقىتتا بارلىق تاراپ بويىنشا مەملەكەتىشىلىك پروتسەدۋرالار اياقتالۋعا جاقىن. سودان كەيىن ءسامميتتىڭ ناقتى قاي ۋاقىتتا بولاتىنى جاريالانادى.

«ءبىراق، بۇل پروتسەۋدارالار ايتارلىقتاي ۋاقىتقا، بىرنەشە ايعا سوزىلۋى مۇمكىن. سوندىقتان، سامميت تۋرالى ايتار بولساق، وسى جىلدىڭ ەكىنشى جارتىسى تۋرالى ءسوز قوزعاۋىمىز كەرەك»، - دەيدى ول.

بۇدان بۇرىن «كاسپيي بەستىگىنىڭ» - رەسەي، ازەربايجان، يران، قازاقستان مەن تۇرىكمەنستان ەلدەرىنىڭ سىرتقى ىستەر مينيسترلەرى ماسكەۋدە كەزدەسىپ، كاسپي تەڭىزىنە قۇقىقتىق مارتەبە بەرۋ ماسەلەسىن تالقىلاعان بولاتىن.

 


:ءبولىسۋ
ونلاين قىزمەتكەرلەر
مۇراعات