+7 (701) 759 90 19 Лента
24 °С : استانا
30 °С : الماتى
USD 340.27 EUR 396.31
RUB 5.39 CNY 52.39
جاڭالىقتار

سەناتور: مەكتەپتە سمارتفون پايدالانۋعا تىيىم سالۋ كەرەك

15 اقپان 13:57 285
:ءبولىسۋ
سەناتور: مەكتەپتە سمارتفون پايدالانۋعا تىيىم سالۋ كەرەك

استانا. قازاقپارات - مەملەكەتتىك ورگاندار سەكىلدى، مەكتەپتەردە دە ۆيدەوكامەراسى بار، ينتەرنەتكە قوسىلعان تەلەفوندارعا تىيىم سالۋ كەرەك.

مۇعالىمدەردىڭ مارتەبەسى تۋرالى پارلامەنت سەناتىنىڭ دەپۋتاتى دينار نوكەتايەۆا ق ر پرەمەر- ءمينيسترىنىڭ اتىنا دەپۋتاتتىق ساۋال جولدادى، دەپ حابارلايدى «قازاقپارات» ح ا ا ءتىلشىسى.

«ءبىزدىڭ دەپۋتاتتىق ساۋال ق ر پرەمەر- مينيسترىنە جولدانادى. ساۋالىمىزعا نەگىز بولعان جايت سوڭعى كەزدەردەگى مەكتەپتەردە بەلەڭ الىپ بارا جاتقان ۇستازدارعا دەگەن كوزقاراس، ادامي مورالدىق قاتىناس، ب ا ق پەن الەۋمەتتىك جەلىلەردەگى ۇستازداردىڭ پارلامەنت دەپۋتاتتارىنا وزدەرىنىڭ وقۋشىلار مەن اتا-انالارىنان قورعاۋ سۇراعان جان ايقايلارى»، - دەيدى سەناتور.

ونىڭ ايتۋىنشا، ەلباسى «بولاشاققا باعدار: رۋحاني جاڭعىرۋ» اتتى ماقالاسىندا ءبىلىمنىڭ ماڭىزدىلىعىن اتاپ وتكەن.

«ۇستازدارعا دەگەن دە قۇرمەت ەرەكشە بولۋى كەرەك. مەملەكەت مۇعالىمدەردى جان-جاقتى قولداۋ شارالارىن جۇرگىزۋدە. مەملەكەت باسشىسىنىڭ تاپسىرماسىنا سايكەس، ۇكىمەت ءمۇعالىمنىڭ مارتەبەسىن ارتتىرۋ ماقساتىمەن ءبىلىم بەرۋدىڭ جاڭارتىلعان مازمۇنىنا كوشكەن ۇستازداردىڭ لاۋازىمدىق جالاقىسىن 30 پايىزعا ارتتىرۋ تۋرالى قاۋلى شىعاردى. سولاي بولعانىمەن، قازاقستاندىق ۇستازداردىڭ وزدەرى ءبىلىم بەرىپ جۇرگەن وقۋشىلارىنان قىسىم كورۋى ادىلەتسىز بولىپ تابىلىپ وتىر دەسەك ارتىق بولماس. ۇستازداردى بالاعاتتاۋ، ءتىپتى قول جۇمساۋ، بالالاردىڭ تاربيەسىزدىگىنە كىنالاۋ، تاعى سول سەكىلدى ماتەريالداردى ب ا ق پەن الەۋمەتتىك جەلىلەردەن كورىپ ءجۇرمىز»، - دەيدى ول.

سەناتور ءوز سوزىندە «قاسيەتتى ۇستاز» دەگەن مارتەبەلى ماماندىقتىڭ بۇگىنگى تاڭدا قۇنسىزدانۋى وكىنىشتى ەكەنىن ءبىلدىردى.

«بۇگىن اتا-انالاردىڭ تاراپىنان بالالاردىڭ كوزىنشە مۇعالىمدەرگە ءارتۇرلى بالاعات جانە دورەكى سوزدەردى قولدانۋ ارقىلى جاس جەتكىنشەكتەردىڭ ءوز ۇستازدارىنا جەككورۋشىلىكتى تۋعىزىپ، ولارعا دەگەن قۇرمەتتىڭ تومەندەۋىنە اكەلىپ سوعۋدا. مۇعالىم بەينەسى قاۋقارسىز، قۇقىعى تاپتالعان ادامعا اينالدى. ۇستازدارعا دەگەن سەنىمسىزدىك كۇننەن-كۇنگە، اتا-انالاردىڭ تاراپىنان ۇدەمەسە باسەڭدەگەن جوق. ويتكەنى، ديكتوفون، فوتواپپارات، موبيلدى تەلەفون قولدانۋ ارقىلى وقۋشىلار مۇعالىمدەردىڭ بەدەلىن ءتۇسىرىپ جاتىر»، - دەيدى دينار نوكەتايەۆا.

 

اۆتور: ايان بەكەن ۇلى


:ءبولىسۋ
ونلاين قىزمەتكەرلەر
مۇراعات