قىتايدىڭ باستى جاڭالىقتار ارناسى نۇرسۇلتان نازاربايەۆتىڭ قۇتتىقتاۋىن كورسەتتى - كەسكىن

استانا. قازاقپارات - قىتايدىڭ «CCTV-13» باستى جاڭالىقتار ارناسى پرەزيدەنت نۇرسۇلتان نازاربايەۆتىڭ قىتاي حالقىن كەلە جاتقان كوكتەم مەرەكەسى - قىتاي كۇنتىزبەسى بويىنشا جاڭا جىلمەن قۇتتىقتاۋىن كورسەتتى، دەپ حابارلايدى «قازاقپارات» ح ا ا.

«قىتايدىڭ تاتۋ كورشىسى رەتىندە قازاقستان حالقى قىتايلىقتاردى جاڭا جىل مەرەكەسىمەن قۇتتىقتايدى. مەن بارشا قىتاي حالقىنا زور دەنساۋلىق پەن باقىت تىلەيمىن. 19- سەزدە قويىلعان ماقساتتارعا مەرزىمىنەن بۇرىن قول جەتكىزۋدى تىلەيمىز»، - دەلىنگەن ەلباسى قۇتتىقتاۋىندا.

قازاقستان پرەزيدەنتى ت ۆ ارقىلى قىتاي حالقىن الداعى مەرەكەمەن قۇتتىقتاعان شەتەلدىك كوشباسشىلاردىڭ ىشىندە العاشقىلارىنىڭ ءبىرى بولدى. سونداي-اق، قۇتتىقتاۋدى قىتايدىڭ باستى تەلەارنالارىنىڭ ءبىرى - CCTV-1 ارناسىندا تاراتتى.

ايتا كەتەرلىگى، ەرتەڭ، جۇما كۇنى كەشكىسىن قىتايلىق جاڭا جىلدىڭ ءبىرىنشى كۇنىندە CCTV جانە CGTN ارنالارى قازاقستان پرەزيدەنتىنىڭ تولىق سۇحباتىن كورسەتەدى.

بۇل وقيعا قىتايدىڭ اقپاراتتىق كەڭىستىگىنە ەلىمىزدىڭ اۋقىمدى مەديا شىعۋلارىنىڭ ءبىرى بولىپ وتىر.