+7 (701) 759 90 19 Лента
24 °С : استانا
30 °С : الماتى
USD 340.27 EUR 396.31
RUB 5.39 CNY 52.39
جاڭالىقتار

شىمكەنتتە ەكى كۇندىك جاڭبىردىڭ سوڭى قارعا ۇلاستى

15 اقپان 10:41 936
:ءبولىسۋ
شىمكەنتتە ەكى كۇندىك جاڭبىردىڭ سوڭى قارعا ۇلاستى

شىمكەنت. قازاقپارات - شىمكەنتتە ەكى كۇندىك جاڭبىردىڭ سوڭى قارعا ۇلاستى. شاھار باسشىسى بۇل رەتتە كوكتەمگى تاسقىن جۇمىستارىن ءبىر پىسىقتاپ الدى، دەپ حابارلايدى قازاقپارات ءتىلشىسى.

قالالىق اكىمدىك قىزمەتكەرلەرى مەن توتەنشە جاعدايلار باسقارماسىنىڭ باسشىلىعى بىرلەسىپ، اپاتتى جاعدايلاردا جۇمىلدىرىلاتىن تەحنيكالاردىڭ ساپاسى مەن دايىندىعىن تەكسەردى. كوممۋنالدىق جانە توتەنشە جاعدايلار قىزمەتىنىڭ بىرلەسكەن جۇمىس جوسپارى ءتۇزىلدى. بەكىتىلگەن اۋماقتاعى مەكەمە باسشىلارى سۋ تاسقىنىنىڭ الدىن الۋ، ونى بولدىرماۋ جانە قولايسىز اۋا- رايى بولعان ساتتە حالىقتى كوشىرۋ ماسەلەلەرىن كەڭىنەن تالقىلادى. جيىندى قورىتىندىلاي كەلە، جاۋاپتى ماماندار تابيعاتتىڭ توسىن مىنەزىنە تاس- ءتۇيىن دايىن ەكەندىكتەرىن جەتكىزدى.

ايتا وتەيىك، قالادا كوممۋنالدىق قىزمەت بولىمىندە 13 موتوپومپا، 11 سۋسورعىش كولىك جانە 157 جۇمىسشى قىزمەت ەتەدى. قاتەرلى جاعدايلارعا جول بەرمەس ءۇشىن كوممۋنالشىلاردان قۇرالعان بىرلەسكەن توپ شاھارداعى 146 شاقىرىم ارىق- اتىزدى تازالاپ شىعاتىن بولادى. وسىعان دەيىنگى ورىن العان وقىس جاعدايلاردان ساباق العان ماماندار ءقازىر ءقاۋىپتى ايماقتاردى ءجىتى باقىلاپ، مونيتورينگ جاساپ وتىرمىز دەپ سەندىردى. سەبەبى، كوكتەم جاقىنداعان سايىن سۋ تاسقىنى قاۋپى كۇشەيە تۇسەتىنى بەلگىلى.

ايتا كەتەيىك، بىلتىر نوسەر جاۋىن كەزىندە شاھارداعى 12 كوشەنى سۋ باسىپ، ءتىپتى اۋلالاردى الىپ كەتكەن بولاتىن. كولىكتەر كوشەدەن وتە الماي، ءبىراز ابىگەرگە تۇسكەن ەدى. وسىنداي وقىس جاعدايلار جاۋاپتى ماماندارعا بيىل ساباق بولعان سىڭايلى. دايىندىقتى كۇشەيتكەن ماماندار جايسىز جايتتەرگە ساقاداي سايمىز دەيدى. كوشەلەردى سۋ باسقان جاعدايدا توتەنشە جاعدايلار قىزمەتكەرلەرى مەن جەرگىلىكتى بيلىك وكىلدەرى سۋ تاسقىنى كەزىندە بىرلەسىپ ارەكەت ەتپەك.


باستى سوزدەر: ايماق,
:ءبولىسۋ
ونلاين قىزمەتكەرلەر
مۇراعات