تاشكەنتتە قازاقستانداعى ونەركاسىپتىك توڭكەرىس تۋرالى ايتىلدى
كونفەرەنسيا بارىسىندا قازاقستاندىق ديپلومات وزبەكستاننىڭ الەۋمەتتىك- ساياسي، ساراپتامالىق، عىلىمي-اكادەميالىق جانە جۋرناليستىك توپتارىنىڭ وكىلدەرىنە قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتىڭ قازاقستاندىق قوعامدى جاڭعىرتۋ، قازىرگى زامانعى ەكونوميكانى قالىپتاستىرۋ، دەموكراتيالىق دامۋ جانە مەملەكەتتىك باسقارۋ جۇيەسىنىڭ تيىمدىلىگىن ارتتىرۋ تۋرالى رەفورما جوسپارىن تولىقتىرىپ جاتقانىن حابارلادى.
سونىمەن قاتار، ەرىك وتەمبايەۆ قوناقتاردى قازاقستاندا جۇزەگە اسىرىلىپ جاتقان رەفورمالاردىڭ، ونەركاسىپتىك رەۆوليۋتسيانىڭ جەتىستىكتەرىن ەنگىزۋ جولدارىن، ەكونوميكانى سيفرلاندىرۋدىڭ، ق ر- نىڭ قول جەتكىزگەن جەتىستىكتەرى مەن تابىستارىنىڭ ەلىمىزدىڭ ساياسي جانە ەكونوميكالىق دامۋ بولاشاعىنا اسەرى تۋرالى باياندادى.
«ءبىز تاياۋ ۋاقىتتا قازاقستاندا جۇزەگە اسىرىلاتىن ءتورتىنشى ونەركاسىپتىك رەۆوليۋتسياعا ارنالعان ق ر پرەزيدەنتى جولداۋىنىڭ نەگىزگى جاعدايىن تالقىلادىق. اتالمىش باعدارلامالىق قۇجات ەلىمىزدى يندۋستريالاندىرۋعا، ونى سيفرلاندىرۋعا، ەڭ باستىسى، مەملەكەتتىڭ الەۋمەتتىك ءرولىن نىعايتۋعا، سونداي-اق كاسىپكەرلىك پەن بيزنەستى دامىتۋعا جاعداي جاساۋ ءۇشىن 10 باعىتتى قامتيدى»، - دەپ اتاپ ءوتتى ەرىك وتەمبايەۆ.
ءىس-شارا سوڭىندا قوناقتارعا ارنايى وزبەك تىلىنە اۋدارىلعان ق ر پرەزيدەنتىنىڭ قازاقستان حالقىنا جولداۋى جازىلعان كىتاپشالار ۇسىنىلدى.