10:11, 15 - اقپان 2018 | GMT +6
استانا ارلانستىڭ كەلەسى قارسىلاسى بەلگىلى بولدى
استانا. قازاقپارات - «Astana Arlans» كومانداسى WSB دۇنيەجۇزىلىك بوكس سەرياسىنداعى ەكىنشى كەزدەسۋىن اقمولا وبلىسى شۋچە قالاسىندا وتكىزبەك، دەپ حابارلايدى قازاقپارات.
اتالعان كلۋبتىڭ ۆكونتاكتەگى رەسمي توبىندا جاريالانعان مالىمەتتەرگە قاراعاندا، Astana Arlans-تىڭ Patrion Boxing Team-عا (رەسەي) قارسى ەكىنشى باسەكەسى شۋچە قالاسىنداعى «جاقسى 2» سپورت كەشەنىندە 24 -اقپاندا وتەدى. بوكس كەشى ساعات 16:30-دا باستالماق.
ەسكە سالا كەتەيىك، «Astana Arlans» كومانداسى WSB دۇنيەجۇزىلىك بوكس سەرياسىنىڭ 2018 -جىلعى ماۋسىمىنداعى العاشقى كەزدەسۋىن جەڭىسپەن اياقتاعان بولاتىن.