مىسىرلىق استانادا تاكسيگە قالدىرىپ كەتكەن سومكەسىن تاۋىپ الدى
سومكە كومپانيانىڭ تاڭەرتەڭ كەڭسەسىنە جەتكىزىلىپ، ءوز قوجايىندارىنا قايتارىلدى دەپ حابارلايدى ەلوردا اكىمدىگىنىڭ رەسمي سايتى.
Astana taxi كولىكتە قالدىرىلعان ءار زاتتى ءوز يەسىنە قايتارۋ قاعيداسىن ۇستانادى.
كومپانيا زات كولىكتە قالدىرىلعان جاعدايداعى ارەكەت ەتۋدىڭ الگوريتمىن ۇسىنادى.
«ەگەر جولاۋشى ءوز زاتىنىڭ جوعالعانىن ساپاردان كەيىن بىردەن بايقاسا، سول ارادا تاپسىرىس بەرىلگەن تاكسيگە قوڭىراۋ شالىپ، وپەراتورمەن سويلەسۋى كەرەك. وپەراتور ءوز كەزەگىندە جولاۋشىنى كولىك جۇرگىزۋشىسىمەن بايلانىستىراتىن بولادى.
جولاۋشى ءوز زاتىنىڭ جوعالعانىن ساپاردان ءبىراز ۋاقىت وتكەن سوڭ بايقاسا، 15800 ءنومىرى بويىنشا كومپانيانىڭ كەڭسەسىنە حابارلاسۋى قاجەت. جولاۋشى مەنەدجەرگە تاپسىرىس بەرىلگەن كۇندى، ماشينانىڭ ءنومىرى مەن تاپسىرىستىڭ قانداي تەلەفوننان بەرىلگەندىگىن اتاۋى ءتيىس»، - دەپ جازىلعان حابارلامادا.
Astana taxi جۇرگىزۋشىلەرگە ءار ساپاردان كەيىن كولىك سالونىن قاراپ، جولاۋشىلاردىڭ ەسىنە ءوز زاتتارىن تەكسەرۋى كەرەكتىگى تۋرالى سالۋعا كەڭەس بەرەدى. بۇل قالدىرىلعان زاتتاردى كەڭسەگە اپارۋ قاجەتتىگىنەن بوساتىپ، ۋاقىت ۇنەمدەلەدى. جولاۋشىلاردىڭ دا ۇقىپتى بولعانى ابزال.