مۇحتار ەرمان ءماجىلىس كوميتەتىنىڭ ءتوراعاسى بولىپ سايلاندى

None
None
استانا. قازاقپارات - بۇگىن پارلامەنت ءماجىلىسىنىڭ جالپى وتىرىسىندا پالاتانىڭ حالىقارالىق ىستەر، قورعانىس جانە قاۋىپسىزدىك كوميتەتىنە جاڭا ءتوراعا سايلاندى، دەپ حابارلايدى قازاقپارات.

«وزدەرىڭىزگە بەلگىلى، قازىرگى ۋاقىتتا حالىقارالىق ىستەر، قورعانىس جانە قاۋىپسىزدىك كوميتەتى ءتوراعاسىنىڭ ورنى بوس. وسىعان بايلانىستى زاڭناماعا سايكەس، بوس ورىنعا دەپۋتات مۇحتار تىلدابەك ۇلى ەرماننىڭ كانديداتۋراسىن ۇسىنامىن. مۇحتار تىلدابەك ۇلىن بارلىقتارىڭىز جاقسى بىلەسىزدەر، وسى كوميتەتتىڭ مۇشەسى. شەت تىلدەرىن جاقسى مەڭگەرگەن ءبىلىمدى ءارى تاجىريبەلى دەپۋتات. كوپتەگەن ماڭىزدى زاڭداردىڭ قابىلدانۋىنا زور ۇلەس قوسقان»، - دەدى ءماجىلىس ءتوراعاسى نۇرلان نىعماتۋلين.

ەستەرىڭىزگە سالا كەتەيىك، وسىعان دەيىن اتالعان كوميتەتكە ماۋلەن اشىمبايەۆ ءتوراعالىق ەتكەن بولاتىن. جاقىندا ول «نۇر وتان» پارتياسى ءتوراعاسىنىڭ ءبىرىنشى ورىنباسارى قىزمەتىنە بەكىتىلگەننەن كەيىن، ءماجىلىستىڭ حالىقارالىق ىستەر، قورعانىس جانە قاۋىپسىزدىك كوميتەتى ءتوراعاسى لاۋازىمىنىڭ ورنى بوس بولدى.

ەرمان مۇحتار تىلدابەك ۇلى 1963 -جىلى وڭتۇستىك قازاقستان وبلىسى  قىزىلقۇم اۋدانى «تەمىر» كەڭشارىندا تۋعان. س. م. كيروۆ اتىنداعى قازاق مەملەكەتتىك ۋنيۆەرسيتەتىن (1986) بىتىرگەن. تاريحشى، شەتەل تىلىندە وقىتاتىن تاريح ءپانىنىڭ وقىتۋشىسى. ءال-فارابي اتىنداعى قازاق ۇلتتىق ۋنيۆەرسيتەتى (1998)، زاڭگەر. ەڭبەك قىزمەتىن 1986 -جىلى الماتى ساۋلەت-قۇرىلىس ينستيتۋتىنىڭ اسسيستەنتى، تالىمگەرى بولىپ باستادى.

1993-1999 «ياشار حولدينگ» كومپانياسىنىڭ وڭىرلىك مەنەدجەرى، الماتى ق. 1999-2005 «الماتىجارناما» م ك ديرەكتورى، الماتى ق. 2005-2006 «اسار» رەسپۋبليكالىق پارتياسى» ر ق ب ورتالىق اپپاراتى حاتشىسىنىڭ ورىنباسارى، حاتشىسى، الماتى ق. 2006-2008 «نۇر وتان» پارتياسى ورتالىق اپپاراتى باسشىسىنىڭ ورىنباسارى، استانا ق. 03.2008-11.2008 «نۇر وتان» ح د پ ورتالىق اپپاراتىنىڭ حاتشىسى، استانا ق. 2008-2013 «نۇر وتان» ح د پ ورتالىق اپپاراتى باسشىسىنىڭ ورىنباسارى، استانا ق. 2013-2014 «ەۆرازيا» ءبىرىنشى ارناسى» ج ش س باس ديرەكتورىنىڭ ءبىرىنشى ورىنباسارى، استانا ق. 2014-2016 ق ر پارلامەنتىنىڭ ماجىلىسىندەگى «نۇر وتان» پارتياسى فراكسياسى اپپاراتىنىڭ باسشىسى، استانا ق. 2016 -جىلدان باستاپ - التىنشى سايلانعان ق ر پارلامەنتى ءماجىلىسىنىڭ دەپۋتاتى، ق ر پارلامەنتىنىڭ ماجىلىسىندەگى «نۇر وتان» پارتياسى فراكسياسىنىڭ مۇشەسى.

«قۇرمەت» وردەنىمەن، «ەرەن ەڭبەگى ءۇشىن»، «قازاقستان رەسپۋبليكاسىنىڭ تاۋەلسىزدىگىنە 10 جىل»، «قازاقستان رەسپۋبليكاسىنىڭ تاۋەلسىزدىگىنە 20 جىل»، «10 جىل استانا» مەدالدارىمەن ماراپاتتالعان.

  

سوڭعى جاڭالىقتار