قوستانايدا اۋىر جۇمىس ىستەيتىن نازىك جاندىلار سانى كوبەيدى

قوستاناي. قازاقپارات - قوستاناي وبلىسىندا مەتالل وڭدەۋ، كەن ءوندىرۋ سالاسىندا جۇمىس ىستەيتىن ايەلدەردىڭ قاتارى وسكەن، دەپ حابارلايدى «قازاقپارات» ح ا ا وبلىستىق ەڭبەك ينسپەكسياسى باسقارماسىنىڭ باسشىسى ماكسيم مورگۋنوۆقا سىلتەمە جاساپ.

باسقارما باسشىسى ايتقانداي، وڭىردە اسا زياندى، قاۋىپتى جانە اۋىر ماماندىق بويىنشا 3 مىڭعا جۋىق ادام جۇمىس ىستەپ ءجۇر. بۇل وبلىستاعى جۇمىسپەن قامتىلعانداردىڭ %2,8 ىن قۇرايدى.

«قاۋىپتى جانە زياندى وندىرىستىك فاكتورلاردىڭ كورسەتكىشتەرىن ايقىنداۋ، وندىرىستەگى ەڭبەك گيگيەناسى قازاقستان رەسپۋبليكاسىنىڭ ۇكىمەتى بەكىتكەن سانيتارلىق قاعيدالاردا، گيگيەنالىق نورماتيۆتەردە كوزدەلگەن تارتىپپەن جۇزەگە اسىرىلادى. بۇگىندە وبلىستا 16,3 ادام سانيتارلىق- گيگيەنالىق تالاپتارعا سايكەس كەلمەيتىن جۇمىستارعا تارتىلعان. ونىڭ ىشىندە 4,7 مىڭى نەمەسە %30 ى ايەلدەردىڭ ۇلەسىندە»، - دەدى ماكسيم مورگۋنوۆ.

وبلىستا مەتالل وڭدەۋ، قۇرىلىس، كەن ءوندىرىسى سىندى جۇمىستاردا نازىك جاندىلاردىڭ ەڭبەگى كوپتەپ پايدالانىلادى. ماسەلەن، «قوستاناي مينەرالدارى» اق قۇرامىندا 600 دەن استام ايەل اسبەست ءوندىرۋ جۇمىستارىمەن اينالىسادى. بۇدان بولەك «ۆارۆارينسكوە» مەتالل وندىرەتىن كاسىپورنىندا 153 ايەل جۇمىس ىستەيدى. ەڭبەك ينسپەكسياسى باسقارماسىنىڭ مالىمدەمەسى بويىنشا، 81 ايەل قاۋىپتى دەپ سانالاتىن قىزمەتتەردە ەڭبەكتەنۋدە. بۇل كورسەتكىش وتكەن جىلدارمەن سالىستىرعاندا الدەقايدا وسكەن دەيدى باسقارما باسشىسى.