ماۋلەن اشىمبايەۆ «نۇر وتاننىڭ» جۇمىسىنداعى وزگەرىستەر تۋرالى ايتىپ بەردى
بۇگىندە دايىن. بۇل رەفورمانىڭ باستى ماقساتى - قازاقستاننىڭ ەكونوميكالىق، ساياسي جانە رۋحاني جاڭعىرۋىنا جان- جاقتى قولداۋ كورسەتۋدىڭ ءتيىمدى تەتىگىن قالىپتاستىرۋ. جيىن بارىسىندا ماۋلەن اشىمبايەۆ ەلباسى تاپسىرماسىن جۇزەگە اسىرۋدى قامتاماسىز ەتەتىن نەگىزگى مىندەتتەردى اتاپ ءوتتى. بىرىنشىدەن، پارتيالىق كادرلاردىڭ باسەكەگە قابىلەتتىلىگىن ارتتىرۋ ماسەلەسىنە ەرەكشە كوڭىل ءبولىندى. سوعان وراي مامانداردىڭ بىلىكتىلىگى تولىق تەكسەرۋدەن وتكىزىلمەك. سونداي-اق، پارتيالىق ءبىلىم بەرۋ ءىسى دە جاڭا جۇيەگە كوشىرىلمەك.
الداعى ۋاقىتا «نۇر وتان» جاستارمەن جۇمىستى ودان ءارى كۇشەيتەدى. ودان بولەك، جوعارى بىلىكتى باسقارۋشى مامانداردى دايارلاپ، ولاردىڭ ەڭ بەلسەندىلەرى مەن تالانتتىلارىن مەملەكەتتىك ورگاندارعا ۇسىناتىن بولادى. ەكىنشىدەن، پارتيا تىڭ باستامالار مەن يدەيالاردىڭ نەگىزگى ۇيىتقىسى جانە جالپىۇلتتىق كۇنتارتىبىن قالىپتاستىرۋعا قاتىساتىن ستراتەگيالىق كۇش بولۋى ءتيىس. نۇروتاندىقتار ەلىمىزدە بولعان كەز كەلگەن وتكىر دە وزەكتى ماسەلەلەرگە بىردەن نازار اۋدارىپ، ولاردىڭ وڭتايلى شەشىلۋىنە بار كۇش- جىگەرىن جۇمساماق.
«ءبىز جۇمىس بارىسى مەن ونىڭ ءتاسىلىن وزگەرتۋىمىز كەرەك. بيۋروكراتيالىق كەلەڭسىزدىكتەر مەن قاعازباستىلىقتى ازايتىپ، كرەاتيۆتى، پارتيا جۇمىسىنا تىڭ سەرپىن بەرەتىن جاڭا ادىستەرگە باسىمدىق بەرۋگە ءتيىسپىز. ءتيىمدى ءارى ناقتى ناتيجەلەر ءۇشىن جۇمىس ىستەيتىن ۇيىمدىق، ساياسي جانە ساراپتامالىق ورتالىققا اينالۋىمىز كەرەك. سونداي- اق، ەلباسىمىزدىڭ كرەاتيۆتى ورتالىعى رەتىندە قالىپتاسىپ، جۇيەلى جۇمىس جۇرگىزۋگە ءتيىسپىز»، - دەدى ماۋلەن اشىمبايەۆ.
جاڭعىرۋ اياسىندا اشىق اقپاراتتىق قوعام جانە سيفرلى قازاقستان جاعدايىنا بايلانىستى پارتيا ءوزىنىڭ مەديا كەڭىستىگىندە جاڭعىرۋ، جاڭارۋ جانە بەيىمدەلۋ جۇمىستارىن جۇرگىزەدى. ينتەرنەت پەن الەۋمەتتىك جەلىگە باسىمدىق بەرىلەدى. ويتكەنى بۇل - قازىرگى زاماننىڭ باستى تالابى.
سونداي-اق، «نۇر وتان» ستراتەگيالىق قۇجاتتار دايىنداۋمەن اينالىساتىن ءوزىنىڭ ساراپتامالىق ورتالىعىن نىعايتىپ، قايتا قۇرادى. سونىمەن قاتار پارتيا ءتوراعاسىنىڭ ءبىرىنشى ورىنباسارى بۇگىندە جۇزەگە اسىرىلىپ جاتقان بارلىق پارتيالىق جوبالاردىڭ وزەكتىلىگىن ساراپتاۋدى تاپسىردى. سوعان وراي شاعىن جانە ورتا بيزنەس پەن يننوۆاتسيالىق دامۋدى قولداۋعا باعىتتالعان جاڭا جوبالار قولعا الىنباق. رەسپۋبليكالىق قوعامدىق قابىلداۋ بولمەسىنىڭ جۇمىسى دا ايتارلىقتاي جاندانىپ، پارتيانىڭ ۇزاقمەرزىمدى دامۋ ستراتەگياسى دايىندالادى.
ماۋلەن اشىمبايەۆ پارتيالىق جاڭعىرۋدى جۇزەگە اسىرۋ كەزىندە مەملەكەت باسشىسىنىڭ «پارتيا - مينيسترلىك ەمەس» دەگەن سوزىنە ەرەكشە ءمان بەرىپ، ونى ەستەن شىعارماۋدىڭ ماڭىزى زور ەكەنىن اتاپ ءوتتى. سونداي-اق، ول جاڭعىرۋدى تولىق جۇزەگە اسىرۋ ءۇشىن ءار پارتيا قىزمەتكەرى ۇنەمى ءوزىن ءوزى جەتىلدىرىپ، ىزدەنىپ، بۇرىنعى ءادىس-تاسىلدەردى وزگەرتۋ كەرەكتىگىن ايتتى.
«نۇر وتان» حالىق ءۇشىن مەيلىنشە اشىق ءارى قولجەتىمدى بولۋى كەرەك. سوندىقتان ەلىمىزدىڭ جارقىن بولاشاعى جولىندا بىزدەر ايانباي ەڭبەك ەتۋگە ءتيىسپىز»، - دەدى ماۋلەن اشىمبايەۆ.
جيىن بارىسىندا پارتيا حاتشىلارى عابيدوللا ءابدىراحىموۆ، فارحاد قۋانعانوۆ جانە قانىبەك جۇماشەۆ ءسوز الىپ، پارتيالىق جاڭعىرۋدىڭ العاشقى ناتيجەلەرى تۋرالى باياندادى.