دونالد ترامپ قازاقستاننىڭ ب ۇ ۇ قاۋىپسىزدىك كەڭەسىنە ءتوراعالىعىن جوعارى باعالادى - ا ق ش ەلشىسى

None
None
استانا. قازاقپارات - ا ق ش پرەزيدەنتى دونالد ترامپ ب ۇ ۇ قاۋىپسىزدىك كەڭەسىنە قازاقستاندىق ءتوراعالىق وتە ءتيىمدى ءارى جان-جاقتى بولدى دەپ سانايدى.

بۇل تۋرالى بۇگىن ەلباسى نۇرسۇلتان نازاربايەۆتىڭ ۆاشينگتونعا رەسمي ساپارىنىڭ قورىتىندىسىنا وراي ب ا ق وكىلدەرىنىڭ ساۋالىنا جاۋاپ بەرگەن ا ق ش- تىڭ قازاقستانداعى توتەنشە جانە وكىلەتتى ەلشىسى دجوردج كرول ايتتى، دەپ حابارلايدى قازاقپارات.

«ا ق ش قازاقستاننىڭ ب ۇ ۇ قاۋىپسىزدىك كەڭەسىنە ءتوراعالىعى كەزىندەگى جۇمىستارىنىڭ ناتيجەسىن وتە جوعارى باعالايدى. دونالد ترامپ مۇنى نۇرسۇلتان نازاربايەۆقا دا ايتقان ەدى. ترامپ قازاقستاننىڭ ۇيىمعا ءتوراعالىعى وتە ءتيىمدى ءارى جان-جاقتى بولدى دەپ سانايدى. قازاقستان قاۋىپسىزدىك كەڭەسىنە ءتوراعالىعى كەزىندە ءوزىن كاسىبي ۇستاي ءبىلدى. ءبىز قازاقستان ديپلوماتياسى مەن ءتوراعالىق قىزمەتىنىڭ دەڭگەيىن جوعارى باعالايمىز»، - دەدى دجوردج كرول.

وسى رەتتە ەلشى ب ۇ ۇ جانىنداعى قازاقستاننىڭ تۇراقتى وكىلى قايرات وماروۆتىڭ تاريحتا العاش رەت ب ۇ ۇ قاۋىپسىزدىك كەڭەسىنىڭ بارلىق تۇراقتى وكىلدەرىنىڭ اۋعانستانعا ساپارىن ۇيىمداستىرعانىن ەسكە سالىپ ءوتتى.

«امەريكالىق وكىل، ەلشى نيككي حەيلي اتالعان ساپارعا قاتىستى جانە ول دا قازاقستاننىڭ ب ۇ ۇ قاۋىپسىزىك كەڭەسىنە ءتوراعالىعىنىڭ ءتيىمدى بولعانىن ايتتى. وتە كۇردەلى ماسەلەلەر مەن قارارلار كوتەرىلدى. ءبىراق، قازاقستان ق ك- ءنىڭ بارلىق مۇشەلەرى اراسىندا ءوزىنىڭ جان-جاقتىلىعىن، ءىستىڭ رەتىن تابا الاتىندىعىن كورسەتتى. شىندىعىندا وتە كۇردەلى جۇمىس بولعانىمەن، وتە ءتيىمدى ناتيجە بولدى. ءبىز سولاي دەپ سانايمىز»، - دەدى ول.

ەستەرىڭىزگە سالا كەتسەك، 2018-جىلدىڭ 1-31- قاڭتارى ارالىعىندا قازاقستان ب ۇ ۇ قاۋىپسىزدىك كەڭەسىنە ءتوراعالىق ەتتى. 19- قاڭتاردا قازاقستان پرەزيدەنتى نۇرسۇلتان نازاربايەۆتىڭ توراعالىعىمەن ب ۇ ۇ قاۋىپسىزدىك كەڭەسىنىڭ «جاپپاي قىرىپ-جويۋ قارۋىن تاراتپاۋ: شارالار مەن سەنىم» تاقىرىبىنداعى وتىرىسى ءوتتى.

اۆتور: مارلان جيەمباي

سوڭعى جاڭالىقتار