نۇرسۇلتان نازاربايەۆ: سيفرلاندىرۋ - ۇلتتىق ەكونوميكانىڭ قوزعاۋشى كۇشى

الماتى. قازاقپارات - الماتىدا «جاھاندانۋ داۋىرىندەگى سيفرلىق كۇن ءتارتىبى» حالىقارالىق فورۋمىنىڭ جۇمىسى باستالدى، دەپ حابارلايدى قازاقپارات ءتىلشىسى.

ق ر پرەزيدەنتى نۇرسۇلتان نازاربايەۆتىڭ فورۋم قاتىسۋشىلارىنا جولداعان حاتىن ۇكىمەت باسشىسى باحىتجان ساعىنتايەۆ جەتكىزدى.

«الەم قازىر تۇبەگەيلى وزگەرىستەر زامانىندا. سيفرلاندىرۋ - ۇلتتىق ەكونوميكانىڭ قوزعاۋشى كۇشى. الەمدىك ۇيىمدار وسى سيفرلاندىرۋعا ءمان بەرىپ وتىر. ە ا ە و دا 2025-جىلعا دەيىن سيفرلاندىرۋعا ءمان بەرىپ وتىر. بۇگىنگى فورۋم - كۇن تارتىبىندەگى ماسەلەنى جۇزەگە اسىرۋعا جاسالعان ماڭىزدى قادام. سيفرلاندىرۋدى جۇزەگە اسىرۋدا قانداي قادام جاسايتىن بولامىز، سونى بىرىگىپ تالقىلايمىز. بۇل شارا قاجەتتى شەشىمدەر قابىلداۋعا مۇمكىندىك بەرەدى»، - دەلىنگەن نۇرسۇلتان نازاربايەۆتىڭ حاتىندا.

فورۋم جۇمىسىنا ارمەنيا، بەلارۋس، قازاقستان، قىرعىزستان، رەسەي، وزبەكستان جانە تاجىكستاننىڭ پرەمەر-مينيسترلەرى، سونداي-اق حالىقارالىق ءبىرقاتار IT كومپانيالاردىڭ وكىلدەرى قاتىسىپ وتىر.

ەلىمىز «سيفرلىق قازاقستان» باعدارلاماسىنا بارلىعى 169 مرلد تەڭگە جۇمساۋدى كوزدەپ وتىر. بولجام بويىنشا باعدارلاما ارقاسىندا 2025 -جىلدان باستاپ، ءى ج ءو- ءنىڭ 30 پايىزى سيفرلاندىرۋ جوبالارىنان تۇرۋى كەرەك. سونداي-اق، «سيفرلىق قازاقستان» مەملەكەتتىك باعدارلاماسىنا سالىنعان قارجى 2025-جىلعا قاراي 4,8-6,4 ەسە ينۆەستيتسيا ەسەبىندە قايتادى دەگەن جوسپار بار.

ايتا كەتەيىك، فورۋم قازاقستان پرەزيدەنتى نۇرسۇلتان نازاربايەۆتىڭ باستاماسىمەن ۇيىمداستىرىلىپ وتىر. ناقتىراق ايتقاندا، 2017-جىلدىڭ قازان ايىندا جوعارعى ەۋرازيالىق ەكونوميكالىق كەڭەستىڭ وتىرىسىندا ە ا ە و- عا قاتىسۋشى مەملەكەتتەر باسشىلارى تسيفرلىق جۇمىس كۇن ءتارتىبىنىڭ 2025-جىلعا دەيىنگى باستى باعىتتارىن بەكىتكەن. سونداي-اق، پرەزيدەنت نۇرسۇلتان نازاربايەۆتىڭ ەاەو ەكونوميكاسىن سيفرلاندىرۋ بويىنشا ارنايى كەزدەسۋ وتكىزۋ تۋرالى باستاماسىنا قولداۋ تانىتقان بولاتىن.

جالپى، قازاقستان ت م د ىشىندە العاشقى بولىپ، ەلەكتروندىق سيفرلىق قولتاڭبانى قولدانۋدى، ەلەكتروندىق ۇكىمەت ءبىرىڭعاي پورتالىندا ەلەكتروندىق مەملەكەتتىك قىزمەتتەردى ەنگىزۋدى باستاعان. «سيفرلى قازاقستان» ەكونوميكاسىن جەدەل تەحنولوگيالىق جاڭعىرتۋدى قامتاماسىز ەتۋ باعىتىندا تسيفرلىق ترانسفورماتسيالاۋ بويىنشا كەشەندى باعدارلاما قابىلداندى. باعدارلامادا 2 نەگىزگى ماقسات ايقىندالعان. ءبىرىنشى، ەكونوميكا سالالارىن سيفرلاندىرۋ، سيفرلىق مەملەكەتكە ءوتۋ جانە «سيفرلىق جىبەك جولىن» دامىتۋ ارقىلى ەكونوميكانى دامىتۋ جانە حالىقتىڭ تۇرمىس ساپاسىن جاقسارتۋ قارقىنىن ايتارلىقتاي ۇدەتۋ. ەكىنشى، ادام كاپيتالىن دامىتۋ جانە ۇزاق مەرزىمدى پەرسپەكتيۆادا يننوۆاتسيالىق ەكوجۇيەنى قۇرۋ ارقىلى قازاقستان ەكونوميكاسىنىڭ جاڭا دامۋ تراەكتورياسىنا ءوتۋ مىندەتى تۇر.

اۆتور: الماس مۇقاش ۇلى